Bütün sürücülər ön tərəfdə Medium, arxada isə yumşaq tərkibli təkərlərdən istifadə etməyi seçiblər.
12 dövrədən ibarət sprint yarışında beş qırmızı işıq söndükdən sonra Marko Bezzekki mövqeyini qoruyaraq ilk döngəyə lider daxil olub. Mark Markes isə Raul Fernandesə keçilərək üçüncü pilləyə geriləyib.
İkinci dövrədə yağış ehtimalının artması səbəbindən ağ bayraqlar dalğalandırılıb. Bununla sürücülərə motosikletlərini dəyişmək icazəsi verilib.
Fermin Aldeqer və Dieqo Moreyranın sürəti azaldaraq pitə daxil olduqları və yarışı dayandırdıqları görüntülənib.
Öndəki Marko Bezzekki ikinci yerdəki Raul Fernandeslə fərqi bir saniyədən çoxa çatdırıb.
Yohann Zarko 10-11-ci döngələrin olduğu hissədə qəza edərək sprint yarışını başa vura bilməyib.
Üçüncü yerdə gedən və sprintin sonunda dünya çempionluğunu elan etməyə çox yaxın olan Mark Markes finişə cəmi iki dövrə qalmış qəzaya uğrayıb. Bu hadisədən sonra onun çempionluq ümidləri bazar gününə qalıb.
Damalı bayraq dalğalananda Marko Bezzekki sprint yarışının qalibi olub. Raul Fernandes ikinci, Aleks Markes isə üçüncü yeri tutub.
Pedro Akosta finiş xəttini dördüncü keçib, ilk beşliyi isə Xorxe Martin tamamlayıb.






Şərh əlavə et