Məşq hesabatı
Son yoxlamalardan sonra start siqnalı verilib, sürücülər trasa çıxıb və yarım saatlıq məşq sessiyası başlayıb.
İlk dəqiqələrdə rəqabətli dövrələr ard-arda gəlib və Mark Markes liderliyə yüksəlib. Yohann Zarko ilk beşliyə düşməyi bacarıb, Pedro Akosta və Raul Fernandes də ön sıralarda qərarlaşıblar.
Təxminən 10 dəqiqə sonra Marko Bezzekki 1:51.942 nəticə ilə liderliyi ələ keçirib. Lakin Mark Markes çox keçmədən 1:51.713-lük dövrə ilə cavab verib. Akosta isə cüzi fərqlə üçüncü yerdə qərarlaşıb.
Sessiyanın ilk yarısı geridə qalarkən Raul Fernandes səkkizinci döngədə müvazinətini itirərək çınqıllıq sahəyə çıxıb. Qəzadan sonra məyusluğu üzündən oxunan sürücü vaxt itirmədən qaraja qayıdıb.
Son 10 dəqiqəyə daxil olarkən trasa yalnız Aleks Rins, Fabio Quartararo, Aleks Markes və Ay Oqura çıxıb. Bu sürücülər uzun məsafəli sürüş sınaqları həyata keçiriblər.
Pedro Akosta 1:51.254 nəticə göstərərək liderliyə yüksəlib. Sessiyanın son dəqiqələrində trasa qayıdan Mark Markes isə 1:50.730-lıq dövrə ilə yenidən birinci yerə çıxıb. Aleks Markes qardaşına 1:50.519 nəticə ilə cavab verərək liderliyi ələ keçirib.
Pedro Akosta növbəti cəhdində 1:51.141 nəticə göstərsə də, üçüncü pillədəki mövqeyini yaxşılaşdıra bilməyib.
Damalanmış bayraqdan sonra heç bir sürücü yeni sürətli dövrəyə başlamayıb. Beləliklə, son dəqiqələrdə vurduğu dövrə sayəsində Aleks Markes sessiyanı lider tamamlayıb. Qardaşı Mark Markes ikinci, Pedro Akosta isə üçüncü olub.






Şərh əlavə et