Rəsmi: Rassell Sinqapurda cəza alacaq

Rauf Hacıyev 07 Oktyabr 2026, 14:07
Rəsmi: Rassell Sinqapurda cəza alacaq
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Mercedes Corc Rassellin bu həftəsonu keçiriləcək Sinqapur Qran Prisində start cəzası alacağını rəsmən təsdiqləyib.

Ötən həftəsonu Malayziyada təhlükəsizlik avtomobilinin arxasında üçüncü pillədə gedərkən finişə beş dövrə qalmış güc qurğusu problemi səbəbindən mübarizəni dayandıran Rassell mühərrik limitini aşdığı üçün bazar günü keçiriləcək yarışa start cərgəsinin ən arxasından başlayacaq.

Ötən il Sinqapurda qələbə qazanan britaniyalı pilot üçün bu cəza mövsümün sonrakı hissəsində komandanın istifadəyə verməyi planlaşdırdığı yenilənmiş mühərrikdən yararlanmaq imkanını da itirməsi ilə nəticələnə bilər. Sky-ın məlumatına görə, Mercedes bunun qarşısını almaq üçün yeni mühərriki Sinqapura çatdırmağa çalışır.

Mercedes komandasının rəhbəri Toto Volff məsələ ilə bağlı deyib: “Corc Malayziyadakı mühərrik problemindən sonra bazar günü keçiriləcək yarışa start cərgəsinin ən arxasından başlamaq cəzası alacaq.

Ötən həftəsonu göstərdiyi sürüşü və layiq olduğu nəticəni nəzərə alsaq, bu vəziyyət xüsusilə məyusedicidir. Təəssüf ki, belə hallar Formula 1-in bir hissəsidir. Hazırda əsas diqqətimiz ona ən yaxşı bolidi və ön sıralara yüksəlməsi üçün ən yaxşı imkanları verməkdir.

Mövsümün son sprint həftəsonundan maksimum yararlanmalı, öyrənməyə davam etməli və hər iki bolidlə əldə edə biləcəyimiz ən güclü nəticəni qazanmalıyıq”.

Performansdakı geriləmə və yenilənmə paketləri barədə danışan Volff sözlərinə belə davam edib: “Malayziya bizim üçün çox çətin həftəsonu oldu. Həmin gündən etibarən performansımızın niyə lazımi səviyyədə olmadığını anlamaq üçün çox çalışırıq.

Araşdırmalı olduğumuz bir neçə sahə müəyyən etmişik. Lakin Formula 1 sadə cavabları olan idman növü deyil. Qəti nəticələrə gəlməzdən əvvəl daha çox məlumata ehtiyacımız var.

Sinqapur bu işi davam etdirmək üçün bizə unikal imkan yaradır. Trekin xüsusiyyətləri tamamilə fərqlidir və əldə edəcəyimiz məlumatlar mövcud vəziyyətimizi daha aydın başa düşməyimizə çox kömək edəcək.

Buna görə də həftəsonu ərzində həm son yenilənmə paketimizi, həm də əvvəlki versiyanı qiymətləndirəcəyik”.

Bunları da oxuyun

Şərh əlavə et