Niderlandlı sürücünün yarış mühəndisi kimi çalışan Canpiero Lambiase McLaren-də yüksək vəzifəni qəbul etdikdən sonra Red Bull-dan ayrılmağa hazırlaşır.
Lambiasenin 2027-ci ilin ortalarında, ən gec isə 2028-ci il mövsümünün əvvəlində Voking təmsilçisinə qoşulacağı gözlənilir.
Ferstappenin yeni yarış mühəndisi olacaq Tom Hart niderlandlı pilotun mühəndislik qrupunun təcrübəli üzvlərindən biridir. Lambiasenin Red Bull-dan ayrılacağı apreldə açıqlanandan sonra Hart əvvəllər planlaşdırılan Williams-a keçidindən imtina edib.
RacingNews365-in xəbərinə əsasən, Hart 2026-cı il mövsümünün qalan altı yarışından üçündə Ferstappenin yarış mühəndisi kimi çalışacaq.
Hart ABŞ, Braziliya və Las-Veqas Qran Prilərində bu vəzifəni icra edəcək. Beləliklə, Lambiase Meksika, Qətər və Abu-Dabi Qran Prilərində Ferstappenin yarış mühəndisi olaraq fəaliyyətini davam etdirəcək.
Şərh əlavə et