Pirelli: Zandfortda sürətlər aşağıdır

Rauf Hacıyev 22 Avqust 2026, 10:57
Pirelli: Zandfortda sürətlər aşağıdır
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Pirelli Zandfortda ilk günün yekunlarını açıqlayıb. Günün sonunda Mercedes pilotu Corc Rassel şənbə sprintindən əvvəl keçirilən sıralanma turlarında poul qazanıb. Lakin Pirelli-nin əsas qənaəti trasdakı tempin hesablamalardan bir qədər aşağı olmasıdır.

Pirelli-nin baş mühəndisi Simone Berra bildirib ki, səhər yağışından sonra trasdakı vəziyyət gözləniləndən yaxşı olub və komandalar üç tərkibin hamısının davranışını araşdırıblar: “Sərbəst yürüşün ilk bir neçə dövrəsində pilotlar keçid  təkərlərindən istifadə etsələr də, daha sonra komandalar hər üç tərkibin davranışını təhlil etdilər. Çünki səhərki yağışdan sonra trasda ilişmə səviyyəsi gözlədiyimizdən daha yaxşı idi.

Medium təkərlər Hard ilə müqayisədə daha abraziv asfaltın təsirinə çox məruz qalırdı, amma ümumilikdə yeyilmə səviyyəsi yüksək deyildi və sürətə ciddi təsir göstərmirdi.

Soft təkərlər yaxşı ilişmə təmin edirdi. Buna trasın vəziyyətinin tədricən yaxşılaşması da kömək edirdi. Komandalar fərqli yanaşmalardan istifadə etdilər. Bəziləri sərbəst yürüşdə bir dəst Hard təkərdən istifadə etdi, digərləri isə hər iki Hard dəstini ehtiyatda saxlamağa üstünlük verdi. Bu isə bir neçə pit-stoplu strategiyanı nəzərdən keçirdiklərini göstərir.

Bu baxımdan əsas rolu təkərlərin deqradasiyası oynayacaq. Hazırda vəziyyət nəzarət altındadır və bunda, ilk növbədə, nisbətən aşağı temperaturun rolu var. Bundan əlavə, bu trasda Təhlükəsizlik Avtomobilinin çıxma ehtimalı ənənəvi olaraq yüksəkdir.

İstənilən halda, düşünürük ki, bazar günü keçiriləcək yarışda hər üç tərkib strategiyaların hazırlanmasında istifadə olunacaq”.

Berra Medium və Soft arasındakı sürət fərqinin təxminən 0,5 saniyə olduğunu bildirib. Bu göstərici Pirelli-nin simulyator hesablamalarına uyğun gəlsə də, onların hesablamalarına əsasən dövrə vaxtları təxminən bir saniyə daha yaxşı olmalı idi.

Bunları da oxuyun

Şərh əlavə et