Hacarın zədələnmə səbəbi məlum olub

Rauf Hacıyev 20 Avqust 2026, 15:37
Hacarın zədələnmə səbəbi məlum olub
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Red Bull komandasının pilotu Ayzek Hacarın Niderland Qran Prisində yarışa bilməyəcəyinin açıqlanmasından sonra onun zədələnməsinin təfərrüatları barədə yeni məlumatlar ortaya çıxıb.

Red Bull çərşənbə günü yaydığı rəsmi açıqlamada 21 yaşlı pilotun yay fasiləsi zamanı biləyindən zədə aldığını və bu səbəbdən Zandfortdakı yarışda iştirak etməyəcəyini təsdiqləyib. Lakin komanda hadisənin necə baş verdiyi barədə ətraflı məlumat verməyib və yalnız Hacarın yerinə Liam Lousonun yarışacağını açıqlayıb.

Sky F1 müxbiri Kreyq Sleyterin yaydığı məlumata görə, fransalı pilot yay tətili zamanı məşq məqsədilə qumla doldurulmuş ağır kisə ilə boks məşqi edərkən biləyini sındırıb.

Zədə barədə Sky F1-in canlı yayımında danışan Sleyter bildirib: “Racing Bulls-da keçirdiyi ilk mövsümdən sonra əsas komandaya yüksələn və debüt mövsümündə əla çıxış edən Ayzek Hacar bu həftəsonu Niderlandda yarışa bilməyəcək.

O, boksa kifayət qədər maraq göstərir. Ən azı, bu idmandan məşq proqramının bir hissəsi kimi istifadə edir və uşaqlıqdan boksa həvəsi var.

Əldə etdiyim məlumata görə, o, zalda içi qumla doldurulmuş ağır kisəni yumruqladığı zaman biləyini sındırıb.”

Fransalı sürücü daha əvvəl verdiyi müsahibələrdə də boksa olan sevgisindən dəfələrlə danışıb və idman dünyasında ən çox heyran olduğu şəxsin Məhəmməd Əli olduğunu bildirib.

Gənc pilot 2023-cü ildə Formula 2-nin rəsmi saytına açıqlamasında demişdi: “Məhəmməd Əli əsl əfsanədir. Mən boksu çox sevirəm, “Rokki” filmləri ilə böyümüşəm. Əli bu idmanda nəhəng fiqur idi və öz xalqı üçün çox böyük məna daşıyırdı”.

Bunları da oxuyun

Şərh əlavə et