Uqoçukvu Silverstounda sprint yarışının qalibi olub

Rauf Hacıyev 04 İyul 2026, 13:54
Uqoçukvu Silverstounda sprint yarışının qalibi olub
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Silverstounda keçirilən Formula 3 sprint yarışında Uqo Uqoçukvu mövsümdə ikinci qələbəsini qazanıb. Campos Racing-in pilotu finişdə Şri-Lankanı təmsil edən Evan Devidi və komanda yoldaşı Teofil Naeli qabaqlayıb.

Şənbə günü Silverstounda hava buludlu, lakin quru olub. Yarışın startı zamanı havanın temperaturu 19, asfaltın temperaturu isə 26 dərəcə təşkil edib.

Pouldan start alan Uqoçukvu liderliyini qoruyub. İkinci yerdən başlayan Evan Devid 6-cı döngədən əvvəl hücum etməyə cəhd etsə də, mövqe dəyişikliyi baş verməyib.

Teofil Nael yarışa uğurlu başlayaraq 11-ci yerdən 8-ci pilləyə yüksəlib. O, Ernesto Riveranı, Luis Şarpı və Fionn Maklaflini geridə qoyub. Noy Stromsted və Matteo de Palo isə növbə ilə Matsey Qladıçı ötərək beşinci və altıncı yerlərə yüksəliblər.

Uqoçukvu ikinci dövrədə ən sürətli nəticəni göstərərək fərqi artırmağa başlayıb. Buna baxmayaraq, Evan Devid liderdən bir saniyədən az geridə qalaraq təzyiqini davam etdirib.

Səkkizinci dövrədən etibarən ön qrupda mübarizə daha da qızışıb. Ceyms Uorton Alessandro Custini ötərək üçüncü yerə yüksəlib. Növbəti dövrədə Custi daha iki mövqe itirərək Stromsted və De Palonu önünə buraxıb.

Onuncu dövrədə Nael əvvəlcə Qladıçı keçərək yeddinci yerə yüksəlib, daha sonra isə Maggotts və Becketts döngələrində Uortonu geridə qoyaraq altıncı pilləyə qalxıb. Bir dövrə sonra De Palo da Uortonu ötüb. Arxa qrupda isə Custi mövqelər itirməyə davam edib.

12-ci dövrədə Nael beşinci yerə yüksəlib. Bu zaman Stromstedlə De Palo arasında 16-cı döngədə üçüncü yer uğrunda kiçik təmas yaşansa da, hər iki pilot mövqeyini qoruyub.

14-cü dövrədə Trident pilotlarının mübarizəsindən yararlanan Nael De Palonu keçərək dördüncü yerə yüksəlib. Lakin De Palo iki dövrə sonra əks-hücum edərək əvvəlcə mövqeyini geri alıb, ardınca Stromstedi də geridə qoyub.

Son dövrədə Nael əvvəlcə 7-ci döngədə Stromstedi ötüb, daha sonra isə son döngədən çıxışda De Palonu da geridə qoyaraq podiumun son pilləsini təmin edib.

Uqo Uqoçukvu finiş xəttini Evan Deviddən 17 saniyə əvvəl keçərək inamlı qələbə qazanıb. Evan Devid Formula 3 karyerasında ilk dəfə podiuma yüksəlib və ilk xallarını əldə edib.

Bu qələbə Uqoçukvuya şəxsi hesabda liderliyini daha da möhkəmləndirməyə imkan verib. Teofil Nael isə mövsümdə üçüncü dəfə podiuma çıxaraq ikinci yer uğrunda mübarizədə Freddi Sleyterlə xal fərqini azaldıb. Sleyter sprint yarışını yeddinci pillədə başa vuraraq hesabına növbəti xalları yazdırıb.

Bunları da oxuyun

Şərh əlavə et