Le Man trasında işıqlar söndükdən sonra MotoGP üzrə Fransa Qran Prisinin sprint yarışı start götürüb.
Poul mövqeyindən start alan Françesko Banyaya yerini qoruya bilməyib və liderliyə Marko Bezzekki yüksəlib. Lakin səkkizinci pillədən yarışa başlayan Xorxe Martin ilk döngədə Bezzekkiyə hücum edərək liderliyi ələ keçirib. Fabio Di Cianantonio isə startın ən çox itirən sürücülərindən biri olub və 14-cü pilləyə qədər geriləyib.
İkinci dövrədə sarı bayraqlar dalğalandırılıb və Luka Marini ilə Jonas Folgerin qəza etdiyi açıqlanıb. Ardınca Pedro Akosta Mark Markesi keçərək beşinci pilləyə yüksəlib. Bir neçə saniyə sonra isə Markes bu dəfə Xoan Mirə də mövqeyini uduzub.
Ön sıralarda Françesko Banyaya Marko Bezzekkini geridə qoyaraq ikinci pilləyə yüksəlib. Bu vaxt 3-cü döngədə Fabio Di Cianantonio qəza edib.
Sprint yarışının ortalarına doğru qəza edən sürücülərin siyahısına Luka Marini və Jonas Folger də əlavə olunub. Həmin anda Xorxe Martin liderliyini möhkəmləndirərək Françesko Banyaya ilə fərqi 1 saniyəyə çatdırıb.
Daha sonra Enea Bastianini və Raul Fernandes də qəza edən sürücülər sırasına qoşulublar. Yarışın son dəqiqələrində isə Mark Markes 14-cü döngədə ağır qəza keçirib. İspaniyalı sürücü ayağa qalxaraq boksa qayıtmağı bacarıb.
15 dövrəlik sprint yarışında damalı bayraq dalğalandıqdan sonra Xorxe Martin startda ələ keçirdiyi liderliyi sonadək qoruyaraq qələbəyə çatıb. Françesko Banyaya ikinci yeri tutub, Marko Bezzekki isə podiumun son pilləsində qərarlaşıb.
Pedro Akosta dördüncü, Fabio Quartararo isə beşinci olub. Joan Mir yarışı altıncı yerdə başa vurub.
Şərh əlavə et