Luseyl trasında pit yolunun açılması ilə pilotlar həftəsonunun ilk sessiyası üçün trasa çıxmağa başlayıblar.
Sessiyanın ilk dəqiqələrində Ceyk Dikson 15-ci döngədə qəza edib və qaraja qayıdıb.
İlk 10 dəqiqə geridə qaldıqdan sonra Marko Bezzekki 1:52.665 nəticə ilə zaman cədvəlinin zirvəsinə yüksəlib. Mark Markes isə ikinci yerdə qərarlaşıb. Bu arada Bred Binder də qəza edərək Diksonun ardınca sessiyaya vida edib.
Bir qədər sonra Mark Markes 1:52.379 nəticə göstərərək Bezzekkini geridə qoyub və liderliyi ələ keçirib.
Sessiyanın qalan hissəsi sakit keçsə də, son saniyələrdə Pedro Akosta texniki problemlə üzləşərək motosikletini kənara çəkib və qaraja qayıdıb.
45 dəqiqəlik sessiyanın sonunda Mark Markes dövrə vaxtını bir qədər də yaxşılaşdıraraq 1:52.278 nəticə ilə birinci yeri tutub. Marko Bezzekki ikinci, Fabio Di Cianantonio isə üçüncü olub.
Pedro Akosta dördüncü, Xorxe Martin isə beşinci yerdə qərarlaşıb.
Şərh əlavə et