Cümə günü debütant pilotlarla bağlı qayda çərçivəsində VF-26-nı idarə edən 32 yaşlı yapon pilot son sərbəst yürüşdən etibarən bolidi təhvil alacaq. Beləliklə, Hirakava bazar günü karyerasında ilk dəfə Formula 1 yarışında iştirak edəcək.
Haas Okonun yarış həftəsonundan çəkilməsinin səbəbi ilə bağlı rəsmi açıqlama verməyib. Bununla belə, qərarın hər hansı xəstəliklə əlaqəli olmadığı dəqiqləşdirilib.
Komandanın açıqlamasında deyilir: “Ehtiyat pilotumuz Ryo Hirakava 31 oktyabr şənbə və 1 noyabr bazar günləri keçiriləcək Meksika Qran Prisinin qalan hissəsində Esteban Okonu əvəz edəcək.
Toyota GAZOO Racing ilə 2022 və 2023-cü illərdə iki dəfə FIA Dünya Dözümlülük Çempionatının qalibi olan, həmçinin 2022-ci ildə Le-Manın 24 Saat yarışında qələbə qazanan 32 yaşlı Hirakava oktyabrın 30-da, cümə günü Rodriqes Qardaşları trasında keçirilən ilk sərbəst yürüşdə iştirak edib. Bu mövsüm VF-26-nın sükanı arxasına üçüncü dəfə keçən yapon pilot sessiyanı ümumi sıralamada 15-ci yerdə başa vurub.
Yaponiyalı pilot şənbə günü keçiriləcək son sərbəst yürüş və sıralanma turunda, eləcə də bazar günü 71 dövrədən ibarət əsas yarışda komanda yoldaşı Oli Bermanla birlikdə mübarizə aparacaq. Bu yarış Hirakavanın karyerasında ilk Formula 1 yarışı olacaq”.
Şərh əlavə et