Audi-nin motoru ilin sonuna hazır olacaq

Rauf Hacıyev 16 Noyabr 2025, 10:14
Audi-nin motoru ilin sonuna hazır olacaq
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Audi artıq qış testlərində istifadə olunacaq güc qurğusunun ilkin versiyası üzərində işi əsasən tamamlayıb, amma mühərrikin modernləşdirilməsi son ana qədər davam etdirilir və yeni mövsümün ilk yarışına qədər növbəti versiyanın hazır olacağı bildirilib.

Audi Sport-un Noyburqdakı mərkəzində Formula 1 üçün nəzərdə tutulan güc qurğusu və transmissiya üzərində işlərə 2022-ci ildə başlanılıb. Ötən ildən etibarən xüsusi stendlərdə genişmiqyaslı sınaqlar keçirilib və payızda resurs proqramı başa çatdırılıb. İlk mühərrik partiyası demək olar ki, tamamlanıb və yaxın günlərdə şassi üzərində quraşdırılmış güc qurğusunun ilk işə salınması reallaşdırılmalı olub.

Dekabrda isə bir neçə mühərrikin Bəhreynə göndərilməsi planlaşdırılıb. 11 fevralda başlayacaq mövsümöncəsi testlərdən iki həftə öncə Barselonada qapalı test sessiyası  keçiriləcək və buna görə komandalar maşınları adi vaxtdan daha tez hazır vəziyyətə gətirməli olublar.

Yanvar testlərinin əsas hədəfi yeni nəsil texnikanın etibarlılığını yoxlamaq olacaq və Audi-nin F1 proqram rəhbəri Mattia Binotto prosesin son dərəcə mürəkkəb olduğunu gizlətməyib. Güc qurğusu üzərində iş qışın son gününə qədər davam etdirilməlidir. Belə ki, ən gec 1 martda bütün motor istehsalçıları V6 mühərriklərinin, MGU-K generator-mühərriklərinin və bütün hibrid elementlərin tam texniki sənədlərini FIA-ya təqdim etməli olacaqlar.

Mattia Binotto: “Yanvarın sonuna qədər hazır olmalıyıq, bu isə o deməkdir ki, yanvarın əvvəlində maşın tam yığılmış vəziyyətdə olmalı və bazada müəyyən testlərə başlamalıyıq. Mühərrikin ilk işə salınmasını ilin sonuna qədər həyata keçirməyi planlaşdırmışıq. Qış testlərində istifadə edəcəyimiz versiya ilə yekun versiya arasında xeyli fərq olacaq. Melburnda mövsümün ilk yarışına çıxanda mümkün olan ən yaxşı maşını hazırlamaq istəyirik”.

Binotto komandanın bütün daxili proseslərini mümkün qədər gecikdirməyə çalışacağını, amma eyni zamanda tras üzərində işə erkən başlamağın vacib olduğunu bildirib. Yeni güc qurğusunun şassi ilə inteqrasiyasının və enerji idarəçiliyinin necə işlədiyini anlamaq üçün maşının tezliklə trasda sınaqdan keçirilməsini zəruri sayılıb.

Güc qurğusunun bütün elementləri — mühərrik, hibrid sistem və ötürmələr qutusu — Almaniyanın Noyburq şəhərində hazırlanıb və istehsal ediləcək, ötürmələr qutusunun korpusu və şassi elementləri isə Sauber-in Hinvildəki bazasında hazırlanıb.

Martın əvvəlində baş tutacaq omoloqasiya mərhələsindən sonra mühərriklərin mövsüm ərzində modernləşdirilməsi qadağan edilib və bu da ən böyük çətinlikdir.  Yalnız qış fasiləsində yeniləmə aparmaq mümkün olacaq. Mövsüm ərzində isə yalnız etibarlılıq, təhlükəsizlik, xərc azaldılması və ya təchizatçı problemləri kimi xüsusi hallarda FIA icazəsi ilə kiçik düzəlişlər etmək mümkün olacaq.

Bununla belə, əgər Audi-nin mühərriki rəqiblərdən geri qalsa, komanda əlavə inkişaf hüququ qazana biləcək. Hər bir mühərrik istehsalçısı üçün “effektivlik indeksi” müəyyənləşdiriləcək və bu göstərici üzrə mövsüm ərzində müəyyən inkişaf paketlərinə icazə veriləcək. Çempionat üç dövrəyə bölünüb (1–6, 7–12, 13–18), və hər dövrədən sonra geri qalan istehsalçıya əlavə modernləşdirmə hüququ verilib. Geri qalma 2–4 faiz aralığındadırsa, iki texniki yenilik tətbiq etmək mümkün olacaq.

Audi-nin ilk mövsümlərdə bu mexanizmdən istifadə etməli ola biləcəyi vurğulanıb.

Audi-nin direktorlar şurasının sədri Gernot Döllner Münhendə keçirilən təqdimatda belə deyib: “Başqa seriyalardan əldə edilmiş böyük təcrübəmiz var və özümüzə real, amma iddialı hədəflər qoymuşuq. Üç mərhələli inkişaf modelimiz var: əvvəlcə bir növ üsyankar ruhla başladığımız mərhələ, sonra iddialı rəqib olduğumuz ikinci mərhələ və nəhayət 2030-cu ildən etibarən çempionluq uğrunda mübarizə aparacağımız üçüncü mərhələ”.

Bunları da oxuyun

Şərh əlavə et