Yarışdan əvvəl tras əsasən quru olub və buna görə də pilotlar orta tərkibli quru hava təkərlərini seçiblər.
Günəşin təsiri ilə asfaltın temperaturu 26 dərəcəyə yüksələrək həftəsonunun ən yüksək göstəricisinə çatıb. Havanın temperaturu isə 18 dərəcə olub.
Mark Markes əla start alaraq ilk döngədə Marko Bezzekkini qabaqlayıb və liderliyə yüksəlib.
Lakin Bezzekki ilk dövrə başa çatmamış beşinci yerə qədər geriləyib. Raul Fernandes ikinci yerə yüksəlib. Arxa qrupda Yohann Zarko və Aleks Markes qəzaya uğrayıblar.
İkinci dövrədə Raul Fernandes liderliyi ələ keçirib. Xorxe Martin də fürsətdən istifadə edərək Mark Markesi qabaqlayıb və ikinci yerə yüksəlib. Beləliklə, Markes üçüncü yerə geriləyib. Bu zaman dördüncü olan Bezzekki bir neçə döngə sonra Markesə hücum edərək onu da qabaqlayıb.
Həmin dövrədə Mark Markes rəqiblərindən təxminən bir saniyə geri qalaraq yeddinci yerə qədər geriləyib.
Pedro Akosta 15-ci döngədə qəzaya uğrasa da, trasa qayıtmağı bacarıb. Bununla da Markes altıncı yerə yüksəlib. 10-cu dövrədə Fabio Di Cianantonio uğurlu hücumla Mark Markesi qabaqlayaraq altıncı yeri tutub.
Yarışın yarısına yaxın ilk üç yerdə Aprilia pilotları rahat şəkildə qərarlaşıblar. Ay Oqura da Markesi qabaqlayıb və ispaniyalı sürücü səkkizinci yerə geriləyib.
15-ci dövrədə Marko Bezzekki Raul Fernandesə hücum edərək yarışın liderliyini yenidən ələ keçirib.
Aleks Markes sağ qolundakı zədə səbəbindən pitə qayıdaraq yarışı dayandırıb.
Finişə beş dövrə qalmış Bred Binder Mark Markesi qabaqlayaraq səkkizinci yerə yüksəlib. Son dövrədə Dieqo Moreyra qəzaya uğrayıb.
Damalı bayrağın dalğalanması ilə Marko Bezzekki yarışın qalibi olub. Səkkizinci yerdə finiş görən Mark Markes isə dünya çempionluğunu rəsmiləşdirib. Bu nəticə ilə ispaniyalı pilot MotoGP karyerasında səkkizinci, ümumilikdə isə onuncu dünya çempionluğunu qazanıb.
Xorxe Martin ikinci, Raul Fernandes isə üçüncü yeri tutub. Onların ardınca Fabio Di Cianantonio və Ay Oqura finiş görüblər.






Şərh əlavə et