Yarışa arxa sıralardan başlasa da, əla irəliləyiş nümayiş etdirərək damalı bayrağı üçüncü yerdə görən McLaren pilotu podium sevincini bölüşüb.
Bütün pilotların bir-birinə çox yaxın olduğu xaotik mübarizəni dəyərləndirən avstraliyalı sürücü hava koridorunun yaratdığı dəyişkən vəziyyətə diqqət çəkib.
Oskar Piastri: “Deyirlər ki, Las Veqas dünyanın əyləncə paytaxtıdır. Bu yarışın bir hissəsi olmaq da olduqca xoş idi. İnanılmaz yarış keçirdik.
Arxa sıralardan start aldığım üçün hadisələrin necə inkişaf edəcəyini bilmirdim. Amma kifayət qədər sürətli irəlilədik və hələ yarışın əvvəlində bütün bolidlərin vahid, nəhəng qrup şəklində hərəkət edəcəyini anladım.
Pit-stop zamanı iki bolidin ard-arda pitə gəlməsi bir qədər bəxtsizlik idi, amma günün sonunda bunun elə də böyük əhəmiyyəti olmadı. Hamı bir-birinə o qədər yaxın idi ki, bu mübarizənin içində olmaq həqiqətən qəribə hiss idi.
Yarışın gedişini əvvəlcədən proqnozlaşdırmaq çox çətin idi. Bir düzlükdə rəqibi çox asanlıqla keçə bilirdiniz, növbəti düzlükdə isə bunu etməkdə çətinlik çəkirdiniz. Sonra başqa rəqiblə qarşılaşanda tamam fərqli güclü və zəif tərəflər üzə çıxırdı.
Önə keçəndə yarışı 10 saniyə fərqlə qazanacağınızı düşünə bilərsiniz. Amma ötmələr zamanı əsas köməyin hava koridorundan gəldiyini anlayırdınız. Çox çılğın yarış idi və podiumda finiş gördüyüm üçün çox xoşbəxtəm”.






Şərh əlavə et