Las Veqas Qran Prisində damalı bayrağı ilk yerdə görərək qələbə qazanan Maks Ferstappen yarış boyu yaşanan çoxsaylı ötmələrdən təəccübləndiyini gizlətməyib.
Arxadakı pilotların güclü hava koridoru sayəsində daim ona yaxın qala bildiyini vurğulayan niderlandlı sürücü yarışı belə dəyərləndirib.
Maks Ferstappen: “Bu, inanılmaz idi. Hər mənada, sürreal bir yarış oldu. Formula 1-də əvvəllər heç vaxt belə yarış görməmişdim.
Startda enerji istifadəmiz düzgün idi. Amma təbii ki, digərləri də öyrənir və sizin nə etdiyinizi izləyirlər. Buna görə də finiş xəttinə çatmamış liderliyi geri qaytara bilmədim. Nəticədə son dövrə üçün strategiyamızı hələ yarışın əvvəlində sorğulamağa başladım.
Düşünürəm ki, sazlamalarımız düzgün idi. Mübarizə inanılmaz dərəcədə gərgin keçirdi və hava koridorunun təsiri o qədər güclü idi ki, fərqi açmaq mümkün deyildi.
Hər dövrədə bu qədər pilotun arxamca gəlməsi, həqiqətən də, inanılmaz idi”.






Şərh əlavə et