Q1
Yaşıl bayraqların dalğalanması ilə Luseyl trasında 15 dəqiqəlik Q1 sessiyasına start verilib.
İlk dövrələrdən sonra Pedro Akosta 1:51.454 nəticə göstərərək Fermin Aldeqeri 0,3 saniyə qabaqlayıb və liderliyə yüksəlib.
Bir neçə dəqiqə sonra Akosta nəticəsini 1:51.143-ə yaxşılaşdıraraq birinci pillədəki mövqeyini möhkəmləndirib.
Q1-in son bölümündə Aldeqer 1:50.876 nəticə ilə Akostanı geridə qoyaraq liderliyi ələ alıb.
Beləliklə, Q2-yə vəsiqə qazanan iki pilot Fermin Aldeqer və Pedro Akosta olub.
Q2
Q2 üçün geri sayım başladıqda pilotlar bu dəfə poul uğrunda mübarizə aparmaq üçün trasa çıxıblar. Sessiyanın ilk dəqiqələrində Bred Binder qəza edib. 1:50.361 nəticə ilə liderliyə yüksələn Mark Markes isə dövrə rekordunu yeniləyib.
Daha sonra Marko Bezzekki 1:50.065 nəticə ilə liderliyi ələ alıb.
Son cəhdlərdə Bezzekki möhtəşəm dövrə vuraraq nəticəsini 1:50.028-ə çatdırıb və poul qazanıb.
Mark Markes ikinci olub. Damalı bayraq dalğalandıqda Fabio Di Cannantonio üçüncü pillədə qərarlaşıb.
Raul Fernandes dördüncü, Françesko Banyaya isə beşinci yeri tutub. Onların ardınca Ai Oqura gəlib.
Şərh əlavə et