Braziliya Qran Prisində qüvvədə olacaq yer itirmə cəzaları açıqlanıb. Cümə günü keçirilən sərbəst yürüşlərdə yaşanan çətinliklərdən sonra Ferrari həm Lyuis Həmiltonun, həm də Şarl Leklerin SF-26 bolidlərində yeni daxiliyanma mühərrikindən istifadə etmək qərarına gəlib. Nəticədə hər iki pilota startda 10 yer itirmək cəzası verilib.
Red Bull Racing-də isə cümə günü yaşanan texniki problemlər və vaxtından əvvəl başa çatan sərbəst yürüş sessiyasından sonra Maks Ferstappenin güc qurğusu tamamilə dəyişdirilib. Bu qərar nəticəsində niderlandlı pilot startda 30 yer itirmə cəzası alıb və yarışa start düzülüşünün ən sonundan başlayacaq.
Yağışlı keçəcəyi gözlənilən yarışdan əvvəl Cadillac pilotu Serxio Peres də yeni mühərrik komponentlərinə keçdiyi üçün cəzalandırılıb və start düzülüşünün sonuna geriləyib.
Beləliklə, Corc Rassell də daxil olmaqla, startda yer itirmə cəzası alan pilotların sayı beşə yüksəlib.
Şərh əlavə et