Mercedes W17-nin arxa hissəsində aparılan bu dəyişikliklər Marina Bay trasında Rassellın start cərgəsinin sonuncu mövqeyinə düşməsinə səbəb olacaq.
Yeni daxiliyanma mühərriki ilə yanaşı, Rassell yeni turbokompressor, egzoz sistemi, kinetik mühərrik-generator qurğusu (MGU-K), enerji saxlama bloku və idarəetmə elektronikası blokundan istifadə edəcək.
Bu komponentlərin heç biri pilotun mövcud istifadə limiti daxilində olmadığı və icazə verilən komponent sayını artırdığı üçün Rassell start cəzası alacaq. Mövsüm ərzində güc qurğusuna görə ilk start cəzası olduğundan ilk komponentə görə 10 yer itirəcək. Digər komponentlərin hər biri üçün isə əlavə beş yerlik cəza tətbiq olunacaq.
Britaniyalı pilot güc qurğusunun köməkçi komponentini (PU-ANC) də dəyişəcək. Lakin bu, mövsüm ərzində icazə verilən altı komponentdən beşincisinin istifadəsi olacaq və əlavə start cəzasına səbəb olmayacaq.
Rassell hazırda çempionatda komanda yoldaşı Kimi Antonellidən 84 xal geri qalır. Sinqapur yarışından sonra bu fərqin daha da artacağı gözlənilir.
Mövsümün başa çatmasına cəmi beş və ya altı yarış qaldığı üçün Rassellin çempionluq mübarizəsinin faktiki olaraq başa çatdığı düşünülür.
Şərh əlavə et