İtaliya mətbuatının məlumatına görə, Maranelloda bir neçə yeni mühəndisin komandaya qoşulması gözlənilir. Onların arasında əvvəllər Mercedes və Red Bull Powertrains-də çalışmış aparıcı mühəndislərdən biri də var. Hazırda həmin mütəxəssis Ferrari-yə keçməzdən əvvəl məcburi məzuniyyətdədir. Onun adı hələ açıqlanmayıb.
Eyni zamanda, Scuderia mühərrik istehsalı bölməsində daxili dəyişikliklər həyata keçirir. GT departamentindən keçən Françesko Morettini bölmənin yenidən təşkilinə cavabdeh olacaq. O, keyfiyyət məsələlərinə rəhbərlik edən Françesko Marino və hibrid, elektron sistemlər istiqamətinin rəhbəri Luka Podco ilə birgə çalışacaq.
Ferrari “isti” mühərrik konsepsiyasını dəyişir
Ferrari artıq 2027-ci il güc qurğusunun konsepsiyasını müəyyənləşdirib. Komanda “isti” mühərrik konsepsiyasından tamamilə imtina etməyəcək, lakin onun konstruksiyasında dəyişikliklər etməyi planlaşdırır. Əsas yeniliklərdən biri yanma kamerasında iş temperaturunun artırılması olacaq.
Bununla paralel olaraq Shell mühəndisləri növbəti mövsüm üçün yanacaq üzərində təkmilləşdirmə işləri aparırlar.
Yeni güc qurğusunda daha böyük diametrli turbinadan istifadə olunacağı da gözlənilir. Bunun mühərrikin gücünü artıracağı və batareyanın doldurulma müddətini azaldacağı bildirilir.
Maranelloda 2027-ci il avtomobilinin Mercedes ilə mübarizə aparacağına ümid edirlər. Bu fonda Frederik Vassyörünn komanda rəhbəri vəzifəsindən azad edilməsi ehtimalı aşağı qiymətləndirilir. Çünki onun yerinə yeni şəxsin gətirilməsi bütün komandanın dərin şəkildə yenidən qurulmasına və faktiki olaraq yeni inkişaf dövrünün başlamasına səbəb ola bilər.
Şərh əlavə et