Buna görə də həftəsonunun əvvəlində asfaltın ilişmə səviyyəsi aşağı olur, amma Pirelli-də əmindirlər ki, trasın vəziyyəti getdikcə yaxşılaşacaq.
Pirelli-nin baş mühəndisi Simone Berra: “Şənbə sprinti olan mərhələlərdə adətən necə olursa, komandalar yeganə sərbəst yürüşün böyük hissəsində Hard təkərlərlə işlədilər, amma proqramlar fərqli idi. Bəziləri uzun və qısa dövrə seriyalarını növbələşdirirdi, digərləri isə Mayami Qran Prisindən sonra gətirilən yeniliklərin qiymətləndirilməsinə fokuslanmışdı. Dövrə vaxtlarını ötən illə müqayisə etsək, fərq təxminən iki saniyədir.
Monrealda təkərlərin səthində tez-tez dənlənmə yaranır. Hazırda bu problem yalnız ön sol təkərdə müşahidə olunur və arxa oxa təsir etmir. Halbuki məhz arxa təkərlərdə effektivliyin azalması daha ciddi nəticələrə səbəb ola bilərdi. Bu trasda təkərlərə düşən yük yüksək deyil, ancaq bu da öz növbəsində onların isinməsini çətinləşdirir. Təkəri lazımi işçi temperaturuna çatdırmaq üçün xüsusi səy tələb olunur.
Bunu sprint sıralama turunda da gördük. Orada əsas məsələ sürətli dövrənin başlanğıcına qədər təkərləri düzgün şəkildə isitmək idi. Əsas sıralanma turunda da vəziyyət oxşar olacaq, baxmayaraq ki, şənbə günü asfaltın vəziyyəti cümə ilə müqayisədə daha yaxşı olacaq. Burada tras örtüyü həftəsonu boyunca davamlı şəkildə yaxşılaşır”.
Şərh əlavə et