Braziliyada əsas sərbəst yürüşləri Zarko zirvədə qabadıb

İlk dəqiqələrdə Bred Binder 4-cü döngədə qəzaya uğrayıb. Bu zaman Mark Markes 1:24.804 nəticə ilə ilk sıraya yüksəlib.

Bir neçə dəqiqədən sonra Toprakın komanda yoldaşı Cek Miller də qəza edib. 10 dəqiqə geridə qalarkən Yoahan Zarko 1:21.257 nəticə ilə liderliyi ələ alıb, Toprak isə ondan 0.579 saniyə geri qalaraq dördüncü sırada yer alıb. Bu dəfə isə 4-cü döngədə Dioqo Moreyra da qəzaya uğrayıb.

Sessiyanın ortalarına yaxın yağış daha da güclənməyə başlayıb. Lakin yağışın güclənməsi Toprak Razqatlıoğlunun daha da sürətlənməsinə səbəb olub. Toprak 1:21.563 nəticə ilə üçüncü yerə yüksəlib.

Hava şəraiti daha da pisləşdikcə sürücülər boksa qayıdıblar.

Son 10 dəqiqəyə qalmış sürücülər yenidən trasa çıxıblar, lakin heç kim nəticəsini yaxşılaşdıra bilməyib.

1 saatlıq sessiyanı Yohan Zarlo lider tamamlayıb. Mark Markes ikinci olub,  Toprak Razqatlıoğlu isə üçüncü sırada qərarlaşıb.

Xorxe Martin dördüncü, Pedro Akosta beşinci, Aleks Markes isə altıncı yeri tutub.