Garifas bu komandanın avtomobilini ilk dəfə Barselonada keçiriləcək mövsümöncəsi testlərdə idarə edəcək. Avropa trasları ona yaxşı tanışdır, çünki o, artıq beş ildir müxtəlif gənclər seriyalarında – Britaniyanın GB3 çempionatından tutmuş Euroformula Open-ə qədər – çıxış edir.
Ötən il Garifas Formula 3-də də debüt edib, lakin cəmi bir yarışda iştirak edib. O, mövsümün İspaniya mərhələsində AIX Racing komandasının heyətində zədəli Ceyms Hedlini əvəzləyib.
Xose Garifas: “Yeni çağırışı qəbul etməyə hazıram və Formula 3-də Prema komandası ilə çıxış edəcəyəm. Bu, düzgün istiqamətdə atılmış addımdır, çünki son bir neçə il ərzində F3-ə yüksəlmək üçün çalışmışam və Prema ilə müqavilə mənim üçün çox böyük əhəmiyyət daşıyır.
Bunu mümkün edən hər kəsə minnətdaram və daha yüksək səviyyədə özümü sınamaq şansı verdiyinə görə Prema-ya təşəkkür edirəm”.
Şərh əlavə et