Makauda poulu Sleyter qazanıb

Rauf Hacıyev 15 Noyabr 2025, 16:35
Makauda poulu Sleyter qazanıb
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Prema Racing-in pilotu Freddi Sleyter şənbə günü Makao kvalifikasiya yarışına ikinci yerdən start alıb, amma inamlı çıxışı sayəsində finişə ən yaxın rəqibindən beş saniyədən də çox əvvəl çataraq qələbə qazanıb.

17 yaşlı britaniyalı pilot elə ilk döngədə xarici trayektoriyadan hücum edərək, poul sahibi Teofil Naeli geridə qoyub və liderliyə yüksəlib. Qəliz şəhər trasının on dövrəsində heç kim ona çata bilməyib. Bununla belə, yarışdan əvvəl pit yolunda sürət həddini aşdığı şübhəsi ilə Sleyter barədə araşdırma davam etdirilib.

Nael ikinci mövqedə qala bilməyib: birinci döngənin çıxışında onu ART komandasının pilotu Evan Jiltye və Pinnacle Motorsport-dan komanda yoldaşı Mari Boya eyni anda keçib.

İlk dövrənin sonunda Sleyter fərqi 1.682 saniyəyə çatdırıb və tempi artırmağa davam edib. Bu vaxt Jiltye daha sürətli templi görünən Pinnacle pilotlarının ciddi təzyiqi altında qalıb. Mari Boya Lisboa döngəsində bir neçə dəfə hücum etsə də, manevrləri tamamlayıb uğurlu hücum həyata keçirə bilməyib.

Beşinci dövrədə,  Formula 3-ün hazırkı vitse-çempionu olan Boya nəhayət Jiltyeni keçib və ikinci yerə yüksəlib. Yarışın orta hissəsinə yaxın Sleyter artıq 5.766 saniyəlik fərq yaradıb, Boya isə boş trasa düşdükdən sonra lideri qovmağa çalışıb. Lakin maşınların sürət baxımından demək olar ki, bərabər olması səbəbindən beş dövrə ona cəmi yarım saniyə yaxınlaşmağa imkan verib.

Altıncı dövrədə Nael bir mövqeni geri qaytarıb və yarışı üçüncü pillədə tamamlayıb.

Freddi Sleyter önəmli qələbə qazanıb və bazar günü yarışı üçün poul qazanıb, onun yanında isə ilk cərgədə Mari Boyanın maşını dayanacaq. Bu da sabahkı yarışın gərgin keçəcəyi deməkdir.

Makaonun çətin şəhər trasına baxmayaraq, şənbə günü ciddi insident qeydə alınmayıb. Yalnız Formula 1-in keçmiş pilotu Aleks Vurtsun kiçik oğlu Oskar Vurts Melco döngəsinə girişdə sürəti düzgün hesablaya bilməyib, əyləcləri bloklayıb və trasdan çıxıb. O, rəqib maşınlarına toxunmayıb və bu, 27 iştirakçı arasında günün yeganə mübarizənin vaxtından əvvəl tamamlanması olub.

Bunları da oxuyun

Şərh əlavə et