Avstraliyalı pilot yeni Medium təkiklərlə atdığı sürətli dövrə sayəsində sessiyanın sonunda uzun müddət lider gedən Aleks Markesi qabaqlayıb. Markes bütün sessiyanı eyni təkər dəsti ilə davam etdirib, Miller isə yarım saniyə fərqlə on dördüncülükdən birinci yerə yüksəlib.
Təzə təkərlər taxan digər sürücülərin də tempi artırması ilə siyahı sürətlə dəyişib və Miller günü debütant Ay Oquranın 0.323 saniyə önündə tamamlayıb. HRC-nin xüsusi dəvəti ilə gələn Aleş Esparqaro və Raul Fernandes ilk dördlüyü tamamlayıblar.
Franko Morbidelli köhnə təkərlərlə sürdüyü halda güclü temp tapıb və sessiyanın sonunda Aleks Markesi keçərək beşinci yerə yüksəlib. Avqusto Fernandes, Yamaha V4 ilə üçüncü həftəsində yeni şassini sınaqdan keçirib və yeni təkərlə onuncu yerə yerləşib.
Marko Bezzekki və Françesko Banyaya sessiyaya daha sakit başlayıblar və bütün sürüş boyu eyni Medium arxa təkəri istifadə ediblər. Maverik Vinyales zədədən dönərək sessiyanı on doqquzuncu, Xorxe Martin isə iyirmi dördüncü sırada tamamlayıb.
KTM-dən Bred Binder səhər sessiyasında həftənin ilk qəzasını edib, son dəqiqələrdə isə bu dəfə Fermin Aldequer yıxılaraq sessiyanı bitirib. Sürücülərin əksəriyyəti Soft ön – Medium arxa təkərlər trasa çıxdığı halda, Nikolo Buleqa Hard ön təkəri sınayan yeganə pilot olub.
Şərh əlavə et