Kitab məntiqli və simvolik bir zamanda – McLaren-in çempionluğa doğru irəlilədiyi mövsümün sonunda işıq üzü görəcək. Komanda bu il həm Mühəndislər, həm də Sürücülər Çempionatında liderlik edir və Zak Braunun rəhbərliyi ilə 26 illik uğursuzluq dövründən sonra yenidən zirvəyə dönmək üzrədir. İndi isə yeganə sual budur: Çempion kim olacaq? – Oskar Piastri yoxsa Lando Norris?
📘 Kitabda nələr var?
Nəşriyyatın (Penguin Books) verdiyi anotasiyaya görə:
“Zek Braun on il peşəkar yarış sürücüsü olub və yarış ruhunun necə qurulacağını yaxşı bilir. Onun rəhbərliyi ilə McLaren yenidən qələbə qazanan komandaya çevrilib. Bu kitabda Zek bir komandanı necə böhrandan çıxarıb zirvəyə daşımağın yollarını bölüşür – həm dürüstlük, həm yumor, həm də ilhamla”.
Braun özü isə belə deyir: “10 yaşımda valideynlərim məni ilk dəfə yarışa apardı. O vaxtdan bu inanılmaz idman mənim ehtirasıma çevrildi. McLaren-in yenidən liderə çevrilməsində rol oynamaq mənim üçün böyük şərəf oldu. Bu yolda öyrəndiyim dərsləri və yaşadığım hekayələri oxucularla bölüşməkdən məmnunam.”
🟧 Bəs kitabın adı nə deməkdir?
“Seven Tenths Of A Second” adının konkret mənası açıqlanmasa da, bu Formula 1-də çox şey ifadə edən bir zaman fərqidir – bəzən çempionluqla məğlubiyyət arasındakı sərhəddir…
Hətta bəzi fanatlar bunun keçənilki Abu Dabi Qran Prisində Sayns və Norris arasındakı fərqlə bağlı olduğunu ehtimal etsələr də, real statistikaya əsasən, bu fərq 5.832 saniyə idi – yəni versiya təsdiqlənmir. Deməli, bu ad simvolik və daha dərinə gedən bir məna daşıyır – liderliyin, qərarlılığın və zəfərin incə sərhədləri haqqındadır.
Bu kitab yalnız Formula 1 fanatları üçün deyil, liderlik, komanda idarəçiliyi, uğur strategiyaları ilə maraqlanan hər kəs üçün dəyərli mənbə olacaq. Üstəlik, Milad bayramı ərəfəsində mükəmməl hədiyyə variantıdır.
Şərh əlavə et