V8 motorlar geri qayıdır?

Rauf Hacıyev 09 İyul 2025, 12:15
V8 motorlar geri qayıdır?
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

FIA-nın prezidenti Mohammed Ben Sulayem Formula 1-dəki hazırkı hibrid mühərrik sistemlərinin çox mürəkkəm və bahalı olması səbəbilə V8 mühərriklərinə dönüş ehtimalını gündəmə gətirib. O bildirib ki, bu addım yarışların həm maliyyə, həm də texniki baxımdan daha əlçatan və azarkeşlər üçün daha cəlbedici olması üçün atıla bilər.

Silverstoundakı Britaniya Qran Prisində jurnalistlərin suallarına cavab verən Mohammed Ben Sulayem, “Bu, kommersiya baxımından da düzgün qərar olar” deyərək belə davam edib: “Tədqiqat və inkişaf xərcləri artıq 200 milyon dollara çatıb. Hər mühərrikin istehsal xərci isə 1.8–2.1 milyon dollar arasındadır. Halbuki əksər avtomobil istehsalçıları öz seriya avtomobillərində V8 mühərriklərindən istifadə edirlər. Bu səbəblə bu texnologiyaya qayıtmaq həm də kommersiya baxımdan əsaslıdır. Bizim üçün V8 motorlar hələ də realdır. Komandalar da bunun doğru yol olduğunu anladılar. FOM da bu ideyanı dəstəkləyir. Bu ideyanı tezliklə həyata keçirməliyik. Lazımi təkmilləşmə üçün 3 il lazımdır. Ümid edirəm ki, 2029-cu ildə hər şey ortaya çıxar”.

O əlavə edib ki, V8 mühərrikləri daha yüngül struktura malikdir, bu isə bolidlərin ümumi çəkisini azaltmağa kömək edə bilər və klassik motor səslərinin yenidən traslara qayıtması azarkeşlər üçün nostalji yaşadacaq.

Ben Sulayem deyib ki, əgər hər şey plan üzrə getsə, V8 mühərriklərinə keçid üçün lazım olan texniki işlər 3 il ərzində başa çata bilər, və bu halda 2029-cu ildən etibarən bu sistem istifadəyə verilə bilər.

Bu açıqlama, FIA prezident seçkiləri öncəsi seçim strategiyası kimi də qiymətləndirilir, lakin uzunmüddətli bir islahat planının ilk siqnalları kimi də qəbul olunur.

Ben Sulayem həmçinin peletona yeni komandanın əlavə olunması məsələsinə də toxunub. Xatırladaq ki, Cadillac brendinin idmana gəlməsi digər komandaların narahatlıqlarına səbəb olmuşdu:

“Bizim məqsədimiz komandaları narahat etmək deyil. Sadəcə say artsın deyə yeni komanda qəbul etmək istəmirik. Yeni gələn komanda həqiqətən də peletona dəyər qatacaqsa, onda bu qərar mənalı olar. O zaman 24 bolidlik peletonun da mənası olar”.

Bu açıqlamalar 2026-cı ildən qüvvəyə minəcək yeni hibrid dövrü öncəsi F1-in texniki gələcəyi ilə bağlı müzakirələri yenidən gündəmə gətirib. V8 mühərriklərinin geri dönüb-dönməyəcəyi bəlli olmasa da, Ben Sulayemin bu çıxışı həm texniki, həm də siyasi baxımdan ciddi rezonans doğura bilər.

Bunları da oxuyun

Şərh əlavə et