Kokpit.az xatırladır ki, sprint yarışına Fabio Kuartararo pouldan başlayıb. Mark Markes ikinci, Françesko Banyaya üçüncü, Aleks Markes dördüncü yerdən start alıblar.
Fabio Kuartararo startda yerini qoruya bilib. Fransalı sürücünün əsas vəzifəsi Mark Markesi 12 dövrə ərzində arxasında saxlamaq idi. Lakin 2021-ci ilin Dünya Çempionu bunu bacara bilməyib. Startdan bir dövrə sonra Mark Markes onu keçib. Kuartararo isə bu əsnada qəza edərək, mübarizəni dayandırıb.
Bununla da Mark və Aleks Markes qardaşları ilk iki yerə yüksəliblər. Françesko Banyaya isə onları izləyib.
Yarışın bitməsinə 8 dövrə qalmış Cek Miller altıncı döngədə qəza edib və mübarizəni dayandıran ikinci Yamaha olub. Bir dövrə sonra Yohan Zarko da qəza edib.
Beləliklə, 12 dövrəlik sprint yarışında Mark Markes qalib gəlib. Aleks Markes ikinci, Françesko Banyaya üçüncü yerləri tutublar.
İspaniya Qran Prisinin əsas yarışı sabah Bakı vaxtı ilə 16:00-da başlayacaq.
Şərh əlavə et