M.Ferstappen: Son dövrələrdən həzz aldım

Rauf Hacıyev 16 Mart 2025, 11:48
M.Ferstappen: Son dövrələrdən həzz aldım
  1. 1K. AntonelliMercedes402
  2. 2M. FerstappenRed Bull304
  3. 3L. HəmiltonFerrari267
  4. 4C. RassellMercedes264
  5. 5L. NorrisMcLaren264
  6. 6Ş. LeklerFerrari250
  7. 7O. PiastriMcLaren167
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine52
  11. 11A. LindbladRacing Bulls38
  12. 12F. KolapintoAlpine35
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16K. SaynsWilliams11
  17. 17E. OkonHaas7
  18. 18F. AlonsoAston Martin7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes666
  2. 2Ferrari517
  3. 3Red Bull440
  4. 4McLaren431
  5. 5Racing Bulls114
  6. 6Alpine87
  7. 7Haas31
  8. 8Audi28
  9. 9Williams16
  10. 10Aston Martin7
  11. 11Cadillac0

Red Bull komandasının sürücüsü Maks Ferstappen xaotik keçən Avstraliya yarışını ikinci yerdə bitirib. 

Kokpit.az xatırladır ki, niderlandlı sürücü yarışın startında üçüncü yerdən ikinci yerə yüksəlsə də, daha sonra səhv edib və Oskar Piastriyə keçilib. Bundan sonra uzun müddət üçüncü yerdə gedib. Lakin yarışın sonlarına doğru yağan yağışa görə Oskar Piastri bolidinin idarəetməsini itirərək, çınqıllı sahəyə düşüb və Maks ikinci yerə yüksəlib. Daha sonra isə Lando Norrisi keçərək, liderliyə yüksəlib. Lakin McLaren daha cəld tərpənərək, Norrisi pitə çağırıb və yağış təkərinə keçirib. Bununla da britaniyalı pilot yenə liderliyi ələ alıb. 

Yarışın sonlarında isə Maks Ferstappen rəqibi Lando Norrisə bir neçə dəfə hücum etsə də, uğursuz alınıb və son 4 mövsümün Dünya Çempionu ikinciliklə razılaşmalı olub.

Maks Ferstappen: “Əlbəttə çox çətin yarış idi. Amma yekunda əyləncəli idi. Lando altıncı döngənin girişində kiçik bir səhv etdi və buna görə də tempini itirdi. O an ona yaxınlaşdım və DRS-sinə düşdüm.

Ona yaxınlaşsam da, burada ötmə etmək doğrudan da çox çətindir. Yenə də gözəl idi. Son dövrəlrədə, xüsusən də yarış qələbəsi üçün mübarizə apararkən limitləri yoxlamaq çox ətləncəli idi. Yarışı tamamlayıb, yaxşı xallar qazanmaq mənim üçün çox vacib idi. Bu bizim çox yaxşı başlanğıc sayılır.

Bir az yağış başlamışdı və bir neçə bolid trasdan çıxdı. O an hamı panikaya düşdü və pitə yönləndilər. Bununla da pitə girdilər, amma mən gözlədim. İlk dövrəm pis deyildi, amma yağış trasın hər tərfində yağmağa davam etdi və sonda biz də pitə girməli olduq.

Məncə, bir dövrə tez pitə girsək də, heç nə dəyişməzdi. Yenə də ikinci yeri tutacaqdır. Risk almağa dəyərdi. Quru hava təkərləri ilə sürmək həyəcan verici idi, amma yekunda problem yaşamadıq”.

Maks Ferstappen sonda bildirib ki, bolid gözlədiyi kimidir: “Məncə, gözlədiyim kimidir. Yarışın əvvəlində McLaren-ə qarşı bir az temp itirdik, amma yenə də burada keçən ilə nisbətən 18 xal çox qazandım. Buna görə də çox sevincliyəm”.

Bunları da oxuyun

Şərh əlavə et