Kokpit.az xatırladır ki, bununla da almaniyalı avtomobil istehsalçısı Formula 1-dəki ilk xallarını əldə edib.
Qabriel Bortoleto (9-cu yer): “Audi-nin heyətində ilk mərhələdə xal qazanmağıma çox sevinirəm. Bu gün biz avtoidman tarixində öz səhifəmizi yazdıq və bununla haqlı olaraq fəxr edə bilərik. Maşın və güc qurğusu etibarlı işləydi, nəticə isə mövsümə hazırlıq zamanı görülən böyük işin mükafatı oldu.
Yarış gərgin keçdi və yeni qaydalar səbəbindən bir qədər xaotik alındı. Hələ öyrənməli və anlamalı çox şey var. Amma temp yüksək idi, pit-stoplar əla alındı və komanda öz işinin öhdəsindən çox yaxşı gəldi.
Ümumilikdə nəticə ilk həftəsonundan gözlədiklərimizi üstələdi və gələcək inkişaf üçün yaxşı başlanğıc nöqtəsi yaratdı. Bununla belə, hələ çox şeyi yaxşılaşdırmalı olduğumuzu bilirik. Qarşıda çox yarış var və indi əsas məqsədimiz öyrənməyə davam etmək, maşını inkişaf etdirmək və növbəti mərhələlərdə daha yaxşı çıxış etməkdir”.
Niko Hülkenberq (start almayıb): “Təəssüf ki, Avstraliya yarışında iştirak edə bilmədim. Start düzülüşünə gedərkən texniki problem yarandı və onu aradan qaldıra bilmədik. Komanda hazırda nə baş verdiyini araşdırır.
Bununla belə, Qabrielin doqquzuncu yeri sayəsində komandanın xal qazanmasını görmək xoşdur. Bu, əla nəticə və Audi-nin Formula 1-də yeni dövrü üçün yaxşı başlanğıcdır. Biz yenidən hazırlaşıb gələn həftə starta çıxacağıq”.
Şərh əlavə et