Məsələnin mahiyyəti Monzada restartdan əvvəl Racing Bulls pilotunun avtomobilini start düzümündə düzgün yerləşdirməməsi ilə bağlıdır. Bu səbəbdən ikinci isinmə dövrəsinin elan olunmasına ehtiyac yaranmışdı. Belə hallarda qayda pozuntusuna yol verən pilotlar adətən 10 saniyəlik cəza alırlar. Lakin Tsunodaya qarşı heç bir sanksiya tətbiq edilməmişdi.
Stüardlar müəyyən ediblər ki, yaponiyalı pilotun avtomobili start mövqeyinin sərhədləri daxilində olub və onun hərəkətləri digər sürücülərə təsir göstərməyib. Bundan başqa, əlavə isinmə dövrəsi barədə qərar yarış direktoru tərəfindən Tsunodanın prosedur qaydalarını pozmasına görə verilməyib.
Stüardların qərarı nəticəsində Tsunoda yarışı onuncu yerdə başa vurub. Əgər ona 10 saniyəlik cəza verilsəydi, Audi pilotu Qabriel Bortoleto onuncu, komanda yoldaşı Niko Hülkenberq isə on birinci pilləyə yüksələcəkdi.
Audi qərarın dəyişdirilməsini, Tsunodanın cəzalandırılmasını və yarışın yekun nəticələrinin yenidən nəzərdən keçirilməsini tələb edir.
Hakimlərin qərarına və FIA-nın məxfilik tələbinə əsasən, dinləmə prosesi ictimaiyyət, media və iştirakına xüsusi icazə verilməyən şəxslər üçün qapalı keçiriləcək.
Şərh əlavə et