Kimi Antonelli İtaliya Qran Prisinə 19-cu pillədən başlamasına baxmayaraq, təsirli qələbə qazanaraq İtaliyada keçirilən ev yarışında 60 ildən sonra qalib gələn ilk italiyan sürücü olub.
Bu, 20 yaşlı sürücünün mövsümdə keçirilən 13 yarışda yeddinci qələbəsi olub. Antonelli pilotlar çempionatında komanda yoldaşı Corc Rassellə xal fərqini də 66-ya çatdırıb.
İtalyan pilot bu qələbə üçün Rasselli geridə qoymalı olub. Qırmızı bayraq səbəbindən yenidən start verilən yarışda da mübarizəsini davam etdirib. Bütün bunlar onun Mixael Şumaxerlə müqayisə edilməsinə səbəb olub.
2016-cı ilin dünya çempionu Niko Rosberq yarışdan sonra Sky Germany-yə açıqlamasında deyib: “Hələ cəmi 20 yaşı olmasına baxmayaraq, tarixi yarış keçirdi. Əvvəllər Mixael Şumaxerin etdiyi kimi yarışdı. Arxa sıralardan başlayıb sürücüləri bir-bir keçərək irəlilədi.
Həqiqətən də qarşısındakı qrupun hamısını qüsursuz şəkildə keçdi. İlk startdan sonra artıq 12-ci pilləyə yüksəlmişdi. İkinci startdan sonra isə, bilmirəm, bəlkə altıncı, sonra beşinci, daha sonra üçüncü pilləyə qədər yüksəldi. Dərhal mübarizənin içinə daxil oldu.
Hər şeyi qüsursuz etdi, üstəlik sürətli də idi. Həqiqətən möhtəşəmdir. Formula 1-də cəmi ikinci mövsümündə bunu bacarması inanılmazdır”.
Şərh əlavə et