İtalyan sürücü ABŞ Qran Prisinin ikinci sərbəst yürüşündə ikinci nəticəni göstərib. Çempionatın lideri sessiyanın qalibi Şarl Leklerdən cəmi 0,042 saniyə geri qalıb. İtaliyalı pilot yarışda qələbə uğrunda mübarizə aparmaq üçün bolid üzərində hələ işləməli olduqlarını bildirib.
Kimi Antonelli: “Ostində günümüz asan keçmədi. Birinci sərbəst yürüşdə bolidin düzgün balansını tapa bilmədiyimiz üçün istədiyimiz nəticəni göstərə bilmədik. İkinci sessiyada vəziyyəti düzəldə və sürətimizi əhəmiyyətli dərəcədə artıra bildik. İndi topladığımız məlumatları diqqətlə təhlil etməli və daha bir addım irəli getmək üçün nələri dəyişə biləcəyimizi müəyyənləşdirməliyik. Bazar günü qələbə uğrunda mübarizə aparmaq üçün buna ehtiyacımız var.
Ümumilikdə, texniki yeniliklər sayəsində əldə etdiyimiz irəliləyişi nəzərə alsaq, gün yaxşı keçdi. Sinqapurda da sürətimizi artırmışdıq və burada eyni istiqamətdə irəliləməyimiz sevindiricidir. Üstəlik, Corc ilə eyni spesifikasiyalı bolidlərdən istifadə edirik.
Bolidin optimal iş diapazonuna çatması üçün hələ görüləsi işlər var. Üçüncü sərbəst yürüşdə məhz bunun üzərində çalışacağıq”.
Şərh əlavə et