Bundan əvvəl Mercedes və Ferrari də əməkdaşlarının Qətər və Əbu-Dabidəki yarışlara səfərlə bağlı istəklərini nəzərə alacaqlarını açıqlamışdılar. Mercedes-in rəhbəri Toto Volff San-Paulu Qran Prisi zamanı komandanın heç kimi bu yarışlara getməyə məcbur etmədiyini təsdiqləyib.
“Əgər kimsə getmək istəmirsə və ya belə səfər zamanı özünü rahat hiss etmirsə, bunu anlayışla qarşılayacağam”, – Volff bildirib.
Bununla belə, onun sözlərinə görə, hələlik Mercedes əməkdaşlarından heç biri bu məsələ ilə bağlı ona müraciət etməyib.
Ferrari-nin rəhbəri Frederik Vassyör də komandanın hər hansı əməkdaşın səfərdən imtina etmək qərarına anlayışla yanaşacağını bildirib.
FIA hələlik bu imkandan yararlanaraq səfərdən imtina edən əməkdaşlarının sayını açıqlamayıb.
Şərh əlavə et