Pirelli Motorsport-un direktoru Dario Marrafuski bildirib: “Dəyişkən hava şəraiti yarışın taktikasına həlledici təsir göstərdi. Startdan əvvəl yağan yağış səbəbindən dövrənin müxtəlif hissələrində tutuş səviyyəsi fərqli idi. Buna görə də ilk stint üçün yeganə seçim keçid təkərlər idi.
Trasın qurumağa başladığı keçid mərhələsində bu təkərlər sabit və effektiv işləyirdi. Örtüyün vəziyyəti yaxşılaşmağa davam etdikcə isə quru təkərlərə keçid vaxtı yaxınlaşırdı. İlk növbədə temperaturdan qaynaqlanan deqradasiya, bəzi hallarda isə dənlənmə əlamətləri müşahidə etdik. Bu hallar xüsusilə avtomobilin sağ tərəfində daha qabarıq idi, çünki asfaltın həmin hissələri qurumağa başlamışdı.
Quru hava təkərlərinə keçid üçün şərait yaranan kimi Soft tərkibli şinlərin bütün komandalar üçün üstün seçim olduğu təsdiqləndi. Havanın və trasın nisbətən aşağı temperaturu deqradasiyanı nəzarətdə saxlamağa kömək edirdi. Əksər hallarda əsas amil məhz şinlərin aşınması oldu.
Bəzi komandalar əlavə pit-stop etmədən finişə çatmağın mümkünlüyünü də nəzərdən keçirirdi. Lakin yarışın son mərhələsində yağış yenidən başladı və taktiki vəziyyət dəyişdi.
Ümumilikdə, Keçid və Soft tərkibli təkərlərin effektivliyi gözləntilərimizə uyğun oldu. Bu da hava şəraiti ilə bağlı qeyri-müəyyənlik fonunda komandalara müxtəlif taktiki variantlar seçmək imkanı verdi.
Mercedes-i komanda tarixində doqquzuncu Mühəndislər Kubokunu qazanması münasibətilə təbrik edirik! Bu nailiyyət komandanın yüksək texniki səviyyəsini və mövsüm boyu gördüyü işin keyfiyyətini əks etdirir. Üstəlik, ötən həftəsonu Kimi Antonelli də Dünya Çempionu oldu”.
Şərh əlavə et