Stüardların qərarının əsaslandırılması və pilotların izahatları ilə bağlı rəsmi açıqlamada bunlar bildirilib: “Təmasın yüngül olmasına və 30 nömrəli bolidin (Louson) bundan sonra öndəki yerini qorumasına baxmayaraq, həmin bolidin pilotu təmas nəticəsində sol arxa təkər diskinin zədələndiyini, həmçinin 16 nömrəli bolidin (Lekler) ona yaxınlaşmasına və nəhayət, beş döngə sonra onu ötməsinə şərait yarandığını bildirib.
Bundan əlavə, Sürüş Standartları Təlimatına əsasən, döngədə üstünlük 30 nömrəli bolidə məxsus idi və toqquşmanın qarşısını almaq üçün lazımi addımları atmaq 16 nömrəli bolidin pilotunun məsuliyyəti idi.
16 nömrəli bolidin pilotu isə bunun ciddi nəticələrə səbəb olmayan kiçik təmas olduğunu bildirib.
Təmasın yüngül xarakter daşıdığını qəbul etsək də, iki bolid arasındakı mübarizəni araşdırdıqdan sonra belə nəticəyə gəldik ki, 16 nömrəli bolid təmas nəticəsində 30 nömrəli bolidə yaxınlaşa və daha sonra onu ötməyə nail olub.
Yüngülləşdirici hallar kimi yaş tras şəraiti və təmasın xarakteri – yəni kiçik miqyaslı olması nəzərə alınıb. Buna görə də 10 saniyəlik cəza əvəzinə beş saniyəlik zaman cəzası tətbiq etmək qərarına gəldik”.
Cəzanın ardından Şarl Lekler yekun sıralamada geriləyib, Liam Louson isə yeddinci yerə yüksəlib.
Şərh əlavə et