İnterlaqosda keçirilən yağışlı sıralanma turunda rəqiblərini qabaqlayan Norris dəyişkən hava şəraitinə baxmayaraq, səhvə yol vermədən sessiyanı lider kimi başa vurduğunu bildirib.
Sessiyanı dəyərləndirən britaniyalı pilot bunları deyib.
Lando Norris: “Uzun bir gün oldu. Əla sıralanma sessiyası keçirdik. Ötən illə müqayisədə fərqli şəraitdə olsa da, burada ardıcıl ikinci il poul mövqeyini qazanmaq məni çox sevindirir.
Trasda şərait çətin idi. Xüsusilə yağışın daha da güclənəcəyini bildiyimiz anlarda vəziyyət mürəkkəbləşdi. Əsas məqsədimiz sessiyanın əvvəlində iki təmiz dövrə vurmaq və heç bir səhvə yol verməmək idi. Həqiqətən də bunu bacardıq.
Bu, bolidi yaş trasda ilk dəfə sürməyim idi, amma düşünürəm ki, şəraitə tez uyğunlaşdım. Çətin vəziyyət idi, çünki güclü yağış təkərlərindən keçid təkərlərinə qədər tamamilə fərqli variantları sınamalı olursunuz. Üstəlik, son dövrələrdə külək də gücləndi.
Bu sessiya mənim üçün çox faydalı oldu. Öyrəndiklərimi sabahkı yarışda da tətbiq edəcəyəm”.
Şərh əlavə et