McLaren mövsüm ərzində güc qurğusu limitini aşan Oskar Piastrinin bu həftəsonu keçiriləcək Las-Veqas Qran Prisində 10 yer itirmə cəzası alacağını açıqlayıb. Mövsüm üçün ayrılmış dörd daxiliyanma mühərriki limitini dolduran avstraliyalı pilot mövsümün qalan yarışlarını başa vurmaq üçün beşinci mühərrikə keçəcək.
Limit ilk dəfə aşıldığı üçün Piastri start düzümündə 10 yer geriyə düşəcək. McLaren trasın ötmələr üçün əlverişli quruluşunun pilotun yarış zamanı irəliləməsinə kömək edəcəyini düşünür. Komanda həftəsonu öncəsi məsələ ilə bağlı açıqlama yayıb: “Etibarlılıq problemi ilə əlaqədar Oskar Las-Veqasda yeni daxiliyanma mühərrikindən istifadə edəcək.
Bu, onun mövsümdə beşinci mühərriki olacağı üçün 10 yer itirmə cəzası alacaq. Lakin bazar günü keçiriləcək yarışda ötmələr edərək itirdiyi mövqeləri geri qaytarmaq üçün kifayət qədər yaxşı imkanları olacaq”.
Digər tərəfdən, McLaren ADUO sistemi çərçivəsində hazırlanan yenilənmiş turbo qurğusunun həm Piastrinin, həm də Lando Norrisın avtomobilinə quraşdırılacağını təsdiqləyib. Komanda yeni turbonun performansa töhfəsinin isə cüzi olacağını bildirib.






Şərh əlavə et