təkərlərlə işləmək baxımından komandaları ciddi problemlər gözləyir. Las-Veqasda sıralanma turları və yarış süni işıqlandırma altında, axşam saatlarında keçirilir. Bu zaman havanın temperaturu 10-15 dərəcəni keçmir, asfaltla ilişmə səviyyəsi isə kifayət qədər aşağı olur.
Gündüz saatlarında tras adi nəqliyyatın hərəkəti üçün açıq olduğundan, adətən kifayət qədər çirkli olan asfalt örtüyü hər gün demək olar ki, ilkin vəziyyətinə qayıdır. Buna görə də həftəsonu ərzində trasın nə dərəcədə yaxşılaşacağını əvvəlcədən proqnozlaşdırmaq çətindir.
Bu il asfalt örtüyü yalnız 13-cü döngənin girişində, eləcə də 14-cü döngədən əvvəlki düz yolun sağ tərəfində yenilənib.
Pilotların tam qazla keçdiyi uzun düzlüklər trasın əsas xüsusiyyətlərindəndir. Bu hissələrdə şinlər bir qədər soyuyur və onları optimal iş temperaturunda saxlamaq çətinləşir. Buna görə də, xüsusilə sıralanma turlarında şinləri düzgün qızdırmaq olduqca vacibdir.
Aşağı ilişmə səviyyəsini də nəzərə alsaq, Las-Veqasda sürətli dövrəyə hazırlıq digər traslarla müqayisədə daha böyük əhəmiyyət daşıyır. Bəzi komandaların pilotları sürətli dövrəyə başlamazdan əvvəl ardıcıl bir neçə hazırlıq dövrəsi vura, hətta bir sürətli dövrə ilə kifayətlənməyə bilərlər.
Orta sektordakı bir neçə sürətli döngə istisna olmaqla, tras şinlərə ciddi yük yaratmır. Əvvəlki illərdə olduğu kimi, aşağı ilişmə səviyyəsi və sərin hava şəraitində dənəvərləşmə müşahidə oluna bilər. Deqradasiya isə əsasən mexaniki aşınma xarakteri daşıyacaq.
Digər mühüm amil uzun düzlüklərin sonunda əyləclərin bloklanması riskidir. Bu zaman şinlərin səthində yastı nahiyələr yarana bilər. Pilotlar bunu nəzərə almalı, trasın vacib nöqtələrində ön təkərlərin bloklanmasına yol verməməlidirlər ki, şinlər normal vəziyyətdə qalsın.
Nəzəri hesablamalara görə, Qran Prinin məsafəsini ən sürətli şəkildə bir pit-stopla başa vurmaq mümkündür. Komandalar seçdikləri taktikadan asılı olaraq hər üç tərkibdən istifadə edə bilərlər. Hətta ən yumşaq C5 tərkiblərinin də yarış ərzində işlədilməsi istisna deyil.
Pirelli mütəxəssisləri Las-Veqas trasının xüsusiyyətlərinin “undercut”, yəni rəqibdən daha tez pit-stop etməklə üstünlük qazanmaq taktikasının effektivliyini azaltdığını da vurğulayırlar.
Pit-leynindən çıxan avtomobil kifayət qədər uzun düz yola düşür. Bu səbəbdən təkərləri lazımi temperatura qədər tez qızdırmaq mümkün olmur və təzə şinlərin adətən verdiyi üstünlük azalır.






Şərh əlavə et