Ayao Komatsu: “Həmişə demişəm ki, sürücüləri nəticələrinə əsasən seçirik. Buna görə də sürət mübahisəsiz prioritetdir. İki sürücünün göstəriciləri təxminən eyni olarsa, o zaman əlaqələr və ya sponsor dəstəyi əhəmiyyət kəsb edir.
Amma sürət baxımından saniyənin onda üçü qədər geri qalan sürücünü heç vaxt götürmərik — hətta Toyota və ya Ferrari ilə əlaqələri, yaxud əlavə 5 milyonu olsa belə. Biz belə davranmırıq. Bizim üçün əsas olan nəticələrdir”.
Sürücü heyətinin nə vaxt açıqlanacağı barədə suala Komatsu belə cavab verib: “Bilmirəm. Gələn həftə olmayacağı dəqiqdir.
Komanda əlverişli vəziyyətdədir, çünki bir çox sürücü maşınımızın sükanı arxasına keçməkdə maraqlıdır. Söhbət beş namizəddən gedir”.
Şərh əlavə et