Toto Volff: “Yeni maşın üzərində işə çoxdan başlamışıq. Yay fasiləsindən xeyli əvvəl”.
Mercedes-in bu il həm sürücülər çempionatında, həm də Mühəndislər Kubokunda titulu əldən verməsi ehtimalı azdır. Buna baxmayaraq, Toto komandanı vaxtından əvvəl arxayınlaşmamağa çağırıb.
Volff sözünə davam edib: “Formula 1 texniki idman növüdür. Yarışı yarımçıq saxlamaq da mümkündür, qəzalar da. Belə bir hal ardıcıl iki dəfə baş versə, rahat görünən üstünlük bir anda yox ola bilər, çünki qarşıda hələ çox yarış var. Məhz buna görə də hər bir mərhələdə işimizə diqqət yetirməyə və maksimum konsentrasiyanı qorumağa davam edəcəyik”.
Şərh əlavə et