Kokpit.az xatırladır ki, Amerika komandası bu il dünya çempionatında debüt edir və ilk mövsümündə autsayderlər sırasında olması gözlənilən idi. İlk yarıda hələ də bir xal belə qazana bilməməsinə baxmayaraq, Cadillac paddokda özünə hörmət qazanıb.
İndi əsas məqsəd inkişafı davam etdirmək və toplanmış bütün təcrübədən yeni avtomobilin hazırlanması zamanı istifadə edərək 2027-ci il mövsümünə yaxşı formada başlamaqdır.
Valtteri Bottas: “Şassinin effektivliyini artırmağa yönəlmiş bir neçə texniki yenilik üzərində hələ də işləyirik, amma bunların heç biri xüsusilə böyük yeniliklər deyil. Heç bir möcüzə baş verməyəcək. Ümumilikdə, diqqətimizi tamamilə növbəti ilin hazırlıqlarına yönəltməli olduğumuz an artıq yaxınlaşır.
Bu, çox tezliklə baş verəcək. Bu o deməkdir ki, inkişaf etməyə davam edə biləcəyik, lakin böyük addımlar atmaq çətinləşəcək. Çünki digər komandalar hələ də son yeniliklərini təqdim etməyə davam edirlər.
Mövsüm ərzində avtomobilimizə tətbiq etdiyimiz hər bir yenilik onu daha sürətli edib. Yeni həllər hazırlayanda onların effektiv işləyəcəyi hələ əvvəlcədən məlum olmur. Lakin biz irəliləmişik və bu, gələcək üçün ümid verir.
İnkişaf əlamətlərini görmüşük. Böyük dəyişikliklər etməsək də, bu irəliləyişlər həmin kiçik təkmilləşdirmələrlə bağlı olub”.
Şərh əlavə et