Yaşıl bayraqların dalğalanması ilə Silverstounda MotoGP sıralanma turlarının Q1 sessiyası başlayıb.
İlk dəqiqələrin ardından Franko Morbidelli 1:57.421 nəticə ilə zaman cədvəlinin zirvəsinə yüksəlib. Onu 0.344 saniyə geridə qalan dövrəsi ilə ikinci pillədə Dieqo Moreyra izləyib.
İlk cəhdlərini tamamlayan sürücülər boksa qayıdıblar və Q1-in bitməsinə 7 dəqiqə qalmış yenidən trasa çıxıblar.
Damalı bayraq dalğalandıqda Q1-i ilk iki pillədə başa vuraraq Q2-yə keçmək hüququ qazanan sürücülər Franko Morbidelli və İker Lekuona olublar.
Q2 başlayanda ilk olaraq Marko Bezzekki zirvəyə yüksəlib. Lakin Mark Markes 1:56.527 nəticə ilə liderliyi ələ keçirib. İkinci pillədə onun qardaşı Aleks Markes qərarlaşıb.
Son dəqiqələrdə Raul Fernandes nəticəsini yaxşılaşdıraraq 1:56.181 göstəricisinə imza atıb. Ai Oqura isə ikinci yerə yüksəlib.
Sessiya başa çatdıqda poul mövqeyi 1:56.160 nəticə ilə Xorxe Martinə nəsib olub. Raul Fernandes ikinci, Ai Oqura isə üçüncü yeri tutub. Fabio Di Canniantonio dördüncü, Marko Bezzekki isə beşinci olub.
Şərh əlavə et