Almaniyanın Bild nəşri yazır ki, Lambyazenin vəzifələri Tom MakKalloya həvalə ediləcək. Hazırda Lambyaze təkcə Maks Ferstappenlə çalışmır, həm də 2022-ci ildən komandanın baş yarış mühəndisi vəzifəsini tutur.
50 yaşlı MakKallo 20 ildən artıqdır Formula 1-də çalışan, böyük təcrübəyə malik mütəxəssisdir. Onun karyerası Williams-da başlayıb. Əvvəlcə məlumatların emalı üzrə mühəndis kimi çalışan britaniyalı daha sonra yarış mühəndisi vəzifəsinə yüksəlib. Bu rolda Niko Hülkenberq, Rubens Barrikello və Bruno Senna ilə də işləyib.
MakKallo 2013-cü ildən etibarən Silverstoundakı komanda ilə əməkdaşlıq edir. Həmin vaxt komanda Force India adlanırdı, sonradan bir neçə dəfə adını dəyişib və hazırda Aston Martin F1 kimi fəaliyyət göstərir.
O, ötən ilin yanvarına qədər komandanın baş yarış mühəndisi olub. Lakin Aston Martin-də aparılan restrukturizasiya nəticəsində MakKallo əlaqəli bölməyə – Aston Martin Performance Technologies-ə keçirilib. Burada isə artıq Formula 1-lə deyil, Britaniya markasının iştirak etdiyi digər yarış kateqoriyaları ilə məşğul olub.
Bild Tom MakKallonun Red Bull ilə karyerasının yeni mərhələsinə nə vaxt başlayacağını açıqlamayıb.
Şərh əlavə et