Maks Ferstappenin gələcək taleyi paddokda fəal müzakirə olunan mövzulardan biridir. Xüsusən də onun yarış mühəndisi Canpyero Lambiatsenin McLaren-ə keçəcəyi məlum olduqdan sonra bu söhbətlər daha da artıb.
Elə bu, həmçinin dördqat dünya çempionunun 2026-cı ildə Red Bull Racing-in nəticələrindən narazılığı Maksın da karyerasını McLaren-də davam etdirməyi düşündüyü barədə danışılmasına səbəb olub.
Bir tərəfdən, dərhal çoxsaylı təkziblər səslənib, digər tərəfdən isə Formula 1-də bundan da gözlənilməz hadisələr baş verib; Lyuis Həmiltonun Mercedes-dən Ferrari-yə keçidini xatırlamaq kifayətdir, bunu da heç kim əvvəlcədən görə bilməzdi.
İkiqat dünya çempionu Mika Hakkinen Uokinq komandası ilə hələ də möhkəm əlaqələrini qoruyur və o, belə bir ssenariyə inanmayanlardan biridir.
Mika Hakkinen: “McLaren-i izləyəndə görürəm ki, orada komandanın bütün işlərinə kompleks şəkildə həmişə düzgün yanaşırlar. Uğura aparan yeganə yol budur. Siz komanda ruhunu gücləndirməklə məşğul olmalısınız, buna nail olandan sonra isə rəhbərliyin vəzifəsi mümkün riskləri minimuma endirməkdir. Çünki bəzi qərarlar bu komanda ruhunu dağıda bilər.
Mən Lando Norris və Oskar Piastrinin səviyyəsini çox yüksək qiymətləndirirəm. Onlar son dərəcə istedadlı, çox peşəkar sürücülərdir və məncə, bununla yanaşı emosiyaların təsirinə o qədər də düşmürlər. Komandanın belə sabit işləyən sürücülərlə müqavilələri olanda bu, həmişə böyük üstünlükdür.
Əgər McLaren kimi komandada iki əla sürücü çıxış edirsə, hansısa qeyri-sabitlik amilləri yaratmağa nə ehtiyac var? Üstəlik, McLaren-in heyətində hazırkı dünya çempionu var. Komandada harmoniya əldə olunubsa, niyə risk etmək lazımdır, axı başqa bir sürücünün gəlişi onu poza bilər…”
Şərh əlavə et