Formula 1 üzrə son dünya çempionu Lando Norris podiumlara yüksəldiyi 2023-cü il istehsalı olan McLaren MCL60 bolidinin sükanı arxasına keçəcək.
Norris, həmçinin McLaren-in gələn il Le Manın 24 Saatı yarışında mübarizə aparacaq MCL-HY hiperkarının ilk ictimai nümayişi zamanı avtomobili azarkeşlər qarşısında test edəcək.
Çempionatın lideri Kimi Antonelli də festivalın əsas qonaqlarından biridir. Gənc pilot cümə axşamı Mercedes bolidi ilə nümayiş etdirdiyi “burnout” şousu ilə azarkeşlərin böyük marağına səbəb olub.
Alpine pilotları Pyer Qasli və Franko Kolapinto isə növbə ilə Kimi Rəykkönenin 2012-ci ildə Abu-Dabi Qran-prisini qazandığı V8 mühərrikli Lotus E20 bolidini idarə edəcəklər.
Red Bull komandası festivalda gənc istedad Ayzek Hacarla təmsil olunacaq. Hacar, Adrian Nyuinin yalnız tras istifadəsi üçün hazırladığı, 1200 at gücünə malik RB17 hiperkarını məhz Nyui ilə birlikdə sürəcək. Yuki Tsunoda da bu avtomobilin sükanı arxasına keçəcək pilotlardan biri olacaq.
Formula 1-in keçmiş dünya çempionları Mario Andretti və Emerson Fittipaldi ilə yanaşı, Le Manın 24 Saatı yarışının əfsanələri Tom Kristensen və Derek Bell də Goodwood-da iştirak edəcəklər.
Festival çərçivəsində Porsche 962, Ford GT MKII və McLaren F1 GTR kimi tarixi prototiplər də trasa çıxacaq.
Motosiklet idmanının ən böyük əfsanələrindən biri, yeddiqat MotoGP dünya çempionu Valentino Rossi 1999-cu ildə Le Man 24 Saat yarışının qalibi olmuş BMW V12 LMR avtomobilini idarə edəcək.
İtaliyalı əfsanəni iki təkər üzərində görmək istəyən azarkeşlər də unudulmayıb. Rossi eyni zamanda 2020-ci il istehsalı olan Yamaha M1 motosikletini də sürəcək.
Ralli ulduzları Sebastyen Löb, Sebastyen Ojye və Nasser Əl-Əttiyahın da qatılacağı tədbirdə Den Tiktum Formula E-nin yeni nəsil Gen4 prototipi ilə müasir elektrik yarış texnologiyalarının imkanlarını nümayiş etdirəcək.
Goodwood Sürət Festivalında iştirak edən hazırkı Formula 1 pilotları
| Pilot | İdarə edəcəyi avtomobil |
|---|---|
| Lando Norris | McLaren MCL60, McLaren MCL-HY |
| Pyer Qasli | Alpine E20 |
| Franko Kolapinto | Alpine E20 |
| Ayzek Hacar | Red Bull RB17 |
| Yuki Tsunoda | Red Bull RB17 |
Goodwood Sürət Festivalında iştirak edən sabiq Formula 1 pilotları
| Pilot | İdarə edəcəyi avtomobil |
|---|---|
| Mario Andretti | Chevrolet Camaro IROC |
| Maykl Andretti | Shelby Daytona Coupe |
| Gerhard Berger | Benetton B186 |
| Tyerri Butsen | Porsche 962, BMW Sauber F1.07 |
| Devid Brabham | Jaguar XJR-9 LM, Panoz LMP-1 Roadster-S |
| Karun Çandhok | McLaren M23D, Ford GT MkII |
| Kristian Danner | Benetton B186 |
| Lukas di Qrassi | Formula E Spark Gen1 |
| Derek Bell | Porsche 962 |
| Deymon Hill | Williams FW11, Williams FW18 |
| Emerson Fittipaldi | Buick Regal |
| Patrik Frizaxer | Red Bull RB18 |
| Mark Jene | Ferrari SF21 |
| Stefan Yohansson | Ferrari F2008 |
| Kazuki Nakacima | Toyota GR GT |
| Arturo Mertsario | Ferrari 156 Sharknose |
| Emanuele Pirro | Ferrari 330 P3/412P |
| Bruno Senna | McLaren MP4/8B |
| Jan-Erik Vern | DS Techeetah FE19 |
| Karl Vendlinger | Mercedes-Benz 300 SEL |
Goodwood Sürət Festivalında diqqət çəkən digər iştirakçılar
- Valentino Rossi
- Tom Kristensen
- Romen Duma
- Sebastyen Löb
- Sebastyen Ojye
- Elfin Evans
- Yohan Kristoffersson
- Nasser Əl-Əttiyah
- Dario Frankitti
- Adrian Nyui
- Cakomo Aqostini
- Keysi Stouner
- Kevin Şvants
- Kolin Edvards
- Deyvi Todd
- Ceymi Uinkap
- Kurt Buş
- Benua Trelyüe
| İl | Formula 1 Bolidi |
|---|---|
| 1937 | Mercedes-Benz W125 |
| 1961 | Ferrari 156 “Sharknose” |
| 1976 | McLaren-Cosworth M23D |
| 1982 | Williams FW08C |
| 1986 | Williams-Honda FW11 |
| 1986 | Benetton-BMW B186 |
| 1993 | McLaren-Ford MP4/8 |
| 1993 | McLaren-Ford MP4/8B |
| 1996 | Williams FW18 |
| 2008 | Ferrari F2008 |
| 2012 | Lotus-Renault E20 |
| 2012 | Red Bull Racing RB8 |
| 2022 | Red Bull Racing RB18 |
| 2022 | Mercedes-AMG W13 |
| 2023 | McLaren MCL60 |
| 2025 | Aston Martin AMR25 |
Şərh əlavə et