Freddi Sleyter Silverstounda keçirilən Formula 3 sıralanma turunda ən sürətli nəticəni göstərərək karyerasında ilk poul mövqeyini qazanıb. Britaniyalı Trident pilotu bazar günü keçiriləcək əsas yarışa ilk sıradan start verəcək. Onun yanında isə Teofil Nael yer alacaq.
30 dəqiqəlik sıralanma sessiyası başlayan kimi bütün pilotlar trasa çıxıblar. Onlar sürətli dövrələrinə iki isinmə dövrəsindən sonra başlayıblar.
İlk istinad vaxtını Cin Nakamura müəyyənləşdirib – 1:47.588. Lakin qısa müddət sonra bir qrup pilot bu nəticəni geridə qoyub. Onların önündə isə Campos Racing komandasının pilotu Ernesto Rivera yer alıb və 1:46.479 nəticə göstərib.
Rivera uzun müddət lider qala bilməyib. Əvvəlcə Sleyter və Matteo de Palo ondan daha sürətli olublar. Ancaq Sleyterin dövrəsi tras limitlərini aşdığı üçün ləğv edilib və ilk cəhdin yekununda 1:46.383 nəticə ilə liderlik De Paloya keçib.
İkinci cəhd üçün pilotlar sessiyanın bitməsinə 17 dəqiqə qalmış bokslardan çıxıblar. Yenə iki isinmə dövrəsindən sonra bir sürətli dövrə vuraraq boksa qayıdıblar.
De Palo nəticəsini yaxşılaşdırsa da, liderliyini qoruya bilməyib. Rivera daha sürətli dövrə vurub, lakin onun nəticəsi də kifayət etməyib. Ən yaxşı vaxtı Sleyter göstərib – 1:46.233. Matsey Qladiş ikinci pilləyə yüksəlib, Rivera isə üçüncü olub.
Son cəhd üçün pilotlar sessiyanın bitməsinə altı dəqiqə qalmış trasa çıxıblar. Əvvəlcə Teofil Nael liderliyə yüksəlib, lakin az sonra Sleyter 1:45.620 nəticə ilə onu geridə qoyaraq poulun sahibi olub.
Luis Şarp üçüncü yeri tutub. Rivera və De Palo isə ilk beşliyi tamamlayıblar.
| № | Pilot | Komanda | Vaxt | Fərq | Dövrə |
|---|---|---|---|---|---|
| 1 | F. Sleyter | Trident | 1:45.620 | – | 11 |
| 2 | T. Nael | Campos Racing | 1:45.880 | +0.260 | 11 |
| 3 | L. Şarp | Prema Racing | 1:45.881 | +0.261 | 11 |
| 4 | E. Rivera | Campos Racing | 1:45.906 | +0.286 | 11 |
| 5 | M. de Palo | Trident | 1:45.931 | +0.311 | 11 |
| 6 | F. Maklaflin | Hitech | 1:45.933 | +0.313 | 11 |
| 7 | N. Stromsted | Trident | 1:45.957 | +0.337 | 11 |
| 8 | M. Qladıış | ART Grand Prix | 1:45.996 | +0.376 | 11 |
| 9 | D. Uorton | Prema Racing | 1:46.015 | +0.395 | 11 |
| 10 | A. Custi | MP Motorsport | 1:46.089 | +0.469 | 11 |
| 11 | E. Devid | AIX Racing | 1:46.215 | +0.595 | 11 |
| 12 | U. Uqoçukvu | Campos Racing | 1:46.218 | +0.598 | 11 |
| 13 | K. Li | ART Grand Prix | 1:46.284 | +0.664 | 11 |
| 14 | M. Kolnaqi | MP Motorsport | 1:46.301 | +0.681 | 11 |
| 15 | D. Nakamura | Hitech | 1:46.308 | +0.688 | 11 |
| 16 | T. Kato | ART Grand Prix | 1:46.381 | +0.761 | 11 |
| 17 | B. del Pino | Van Amersfoort Racing | 1:46.401 | +0.781 | 11 |
| 18 | H. Yamakoşi | Van Amersfoort Racing | 1:46.487 | +0.867 | 12 |
| 19 | H. Qarfias | Prema Racing | 1:46.490 | +0.870 | 11 |
| 20 | T. Taponen | MP Motorsport | 1:46.517 | +0.897 | 12 |
| 21 | P. Klero | Rodin Motorsport | 1:46.644 | +1.024 | 11 |
| 22 | B. Badoer | Rodin Motorsport | 1:46.660 | +1.040 | 11 |
| 23 | C. Si | DAMS Lucas Oil | 1:46.696 | +1.076 | 12 |
| 24 | E. Delini | Van Amersfoort Racing | 1:46.734 | +1.114 | 11 |
| 25 | N. Lakorte | DAMS Lucas Oil | 1:46.807 | +1.187 | 12 |
| 26 | K. Ho | Rodin Motorsport | 1:46.893 | +1.273 | 11 |
| 27 | N. Bhirombhakdi | DAMS Lucas Oil | 1:46.943 | +1.323 | 12 |
| 28 | U. Şin | Hitech | 1:46.970 | +1.350 | 12 |
| 29 | F. Barrikello | AIX Racing | 1:47.210 | +1.590 | 11 |
| 30 | R. Eskotto | AIX Racing | 1:47.681 | +2.061 | 11 |
Şərh əlavə et