Yarışdan sonra Şarl Lekler bildirib ki, bu nəticə yeniliklərin zəif işləməsi ilə bağlı deyil və mühəndislər qarşıdakı mərhələlər üçün əlavə yeniliklər hazırlayırlar.
Şarl Lekler: “Yeniliklərimiz işləyir, amma digər komandalar da yeniliklər gətirib və görünür, onların həlli bir qədər daha effektiv olub. Yaxın vaxtlarda bizdə də yeniliklər olacaq və ümid edirəm ki, onlar ön sıralardakı mübarizəyə qayıtmağa imkan verəcəklər.
Yeni nəsil bolidlərdə, xüsusilə ilk ildə, hər şey modernizasiya tempindən asılıdır. Biz bu baxımdan hər şeyi ideal şəkildə etdiyimizə əmin olmalıyıq”.
Monakolu sürücü əlavə edib ki, komanda Mayamidə bazar günü bolidin niyə sprint yarışındakı qədər sürətli olmadığını araşdırmalıdır: “Medium təkərlərdə çox sürətli deyildik, çünki bu tərkib güclü degradasiyaya məruz qalırdı. Hard təkərlərdə də ilk dövrələr yaxşı keçmədi, lakin sonra təkərlər daha yaxşı işləməyə başladı.
Ancaq aydındır ki, sprintlə müqayisədə sürət itirmişik. Bunun səbəbini araşdırmaq lazımdır, çünki mən də bunun nə ilə bağlı olduğunu anlamaq istəyirəm.
Düşünmürəm ki, yarış məsafəsi boyunca sürət itirmək hansısa tendensiyadır. Amma gəlin daha bir neçə yarışı gözləyək və bunun həqiqətən belə olub-olmadığını anlayaq”.
Şərh əlavə et