Kokpit.az xatırladır ki, monakolu sürücü Mayami Qran Prisinin sprint yarışını üçüncü yerdə başa vurub və yalnız McLaren sürücülərinə uduzub. Monakolu pilot yenilənmiş maşına görə komandaya təşəkkür edib, amma üçüncü yerin onu qane etmədiyini də əlavə edib.
Şarl Lekler: “Yeniliklər çox yaxşı işləyir, buna görə son beş həftədə gördüyü gərgin işə görə komandaya minnətdaram. Onların işindən razıyam, lakin üçüncü yerdən razı qala bilmərəm.
Aydındır ki, daha yüksək mövqelərdə finiş görmək istəyirik, amma McLaren ciddi yeniliklər gətirib və böyük addım atıb. Digər tərəfdən, onlardan o qədər də geri qalmırıq, buna görə artıq sabahkı yarışı düşünürəm. Əgər hər şeyi düzgün bir araya gətirsək, bəlkə daha yuxarı pillələrdən start ala bilərik və bu da yarışda işimizi bir qədər asanlaşdırar”.
Şərh əlavə et