Monakolu sürücü cümə məşqində lider olub, sprint sıralanma turunun ikinci hissəsində də ən yaxşı nəticəni göstərib, amma yekun protokolda yalnız dördüncü yeri tutub…
Şarl Lekler: “Yeniliklər özünü doğrultdu, sadəcə rəqiblər də maşınlarını yeniləyiblər. Açığı, düşünürdük ki, Mercedes favorit olaraq qalacaq, ancaq McLaren böyük addım atıb. Görünür, ilk üç yarışda sadəcə maşından maksimumu çıxara bilməyiblər, burada isə hər şeyi bir araya gətiriblər.
Bizdə təkərlərlə bağlı problemlər yarandı. Medium çox yaxşı işləyirdi, amma Soft-da lazım olan sürəti tapa bilmədik. Səbəbini tapmaq lazımdır.
Bilirik ki, yarışda daha rəqabətədavamlı olacağıq, lakin kvalifikasiyada açıq-aşkar üzərində işləməli məqamlar var. Şənbə kvalifikasiyasında sazlamaları düzəldib daha yaxşı nəticə əldə edə bilərik. Yarışda fərqi bağlayacağımıza ümid edirəm. Bunun üçün sürətimiz var, görək ötmələr mümkün olacaqmı”.
Lyuis Həmilton: “Nə gözləməli olduğumuzu bilmirdik. Ümid edirdim ki, daha yaxşı vəziyyətdə olacağıq, amma maşın özünü yaxşı aparmadı. Gecə işləməliyik ki, niyə sürətli olmadığımızı anlayaq. Optimist idim və daha yuxarı yerlərdə olacağımıza inanırdım, ancaq alınmadı”.
Şərh əlavə et