Kokpit.az xatırladır ki, britaniyalı sürücü Mayami Sprint sıralanma turunda 6-cı yeri tutub. McLaren pilotları isə şənbə yarışına 1 və 3-cü yerlərdən başlayacaqlar.
Corc Rassell: “McLaren və Ferrari-nin böyük irəliləyiş əldə etməsi kifayət qədər təəccüblüdür. Bu, çox güclü təəssürat yaradır. Onların fərqi azalda biləcəyini anlamışdıq, amma indi bizdən daha sürətlidirlər.
Bəlkə də bu gün məndə daha çox problem var idi. Mayami trası mənim sevdiyim traslardan deyil, xüsusilə də belə isti şəraitdə. Ancaq bu sadəcə sprint sıralamasıdır, ona görə əsas sıralanma turunda nə olacağını görəcəyik.
İkinci sektorun dolama döngələrində təkərlərim ciddi şəkildə qızırdı və boliddən düzgün balans almaqda çətinlik çəkirdim. Dediyim kimi, rəqiblərin inkişafı məni təəccübləndirdi.
Sprintdə mübarizə apara bilərik. Start mövqeyim yaxşı deyil və sprintdə adətən yerləri geri qazanmaq üçün çox imkan olmur, baxmayaraq ki, bu il Çində maraqlı olmuşdu. Elə start almaq istəyirəm ki, mövqelər itirməyim. Görək nə edə biləcəyik”.
Şərh əlavə et