Dünya hərrac praktikasında bu, misilsiz hadisədir, çünki hərracda hələ mövcud olmayan bir maşın satılıb.
Yeni sahibinin kimliyi isə olduğu kimi açıqlanmayıb. Üstəlik, o, bu nadir və unikal maşını tezliklə sürə bilməyəcəyini bilə-bilə alışdan çəkinməyib. Əlbəttə, zəruri bacarıqları olsa belə, MCL40A-nı idarə etmək heç də asan deyil.
Hərrac evinin verdiyi məlumatda belə deyilib: “McLaren Racing komandası bolidi 2028-ci ilin ilk rübünün sonunda təhvil verəcək. Hələlik isə komanda nümayiş məqsədləri üçün 2025-ci ilin şou-karını təqdim edəcək”.
Bundan əlavə, MCL40A-nın sahibi bir çox məhdudiyyətlərə əməl etməli olacaq. Çünki bu tip texnikalar FIA-nın ciddi nəzarəti altında olur. McLaren-in mühəndis və mexaniklərdən ibarət böyük heyəti, eləcə də xüsusi avadanlıq olmadan bu maşını işə salmaq belə mümkün deyil.
Bu, hərracda satılan yeganə McLaren deyildi. Hələ ictimaiyyətə təqdim olunmamış başqa modellər də alıcı tapıb:
• 7,6 milyon dollara 2027-ci ildə WEC-də çıxış edəcək hiperkar satılıb,
• 850 min dollara isə Arrow McLaren-in növbəti IndyCar mövsümündə istifadə edəcəyi DW12 bolidi alınıb.
Şərh əlavə et